Protector [TAGALOG]

PARE-pareho silang nagulat sa lakas ng ingay na nilikha ng mga nabasag na baso at tasa sa marmol na baldosa. Agad siyang sinaklolohan ng dalawang lalaki. Si Helios ang unang nakalapit sa dalaga. "I-I'm sorry." Nanulas sa mga labi ng dalaga."Are you alright?" Anang lalaki.

"MAY tao ka bang pinagsabihan kung saan ka nag-i-stay ngayon?""Oo, pero isang tao lang-ang best friend kong si Doris. I had to tell her. We work together in the newsroom. And she's a very special friend. If there's one person in this world that I can trust, I know it's Doris.""Too much trust can sometimes put one in danger." Nausal ni Helios.

"NO! Hindi ako papayag sa ganyang arrangement. Bakit tayo magpapakasal gayong hindi tayo magnobyo.""Hindi mo naiintindihan. It will be a fake marriage. Palabas lang. Para lang walang masabi ang mga tao na maaaring ikasira ng reputasyon mo bilang isang dalaga. Saka naisip ko rin, puwede ring maka-discourage sa Leo na iyon kapag nalaman niya na may asawa ka na. Maaaring mabawasan ang paghahangad niya sa iyo sa kaalamang hindi ka na dalaga.""Pero puwede rin niyang ikagalit nang husto ang pag-aasawa ko at lalo siyang magiging mapusok. Maaari siyang itulak ng matinding selos para patayin ako."

HINDI na nakayanan ni Orlah ang mga naririnig. Bigla siyang nakaipon ng lakas at natagpuan niya ang sariling isinisigaw ang kanina'y inihihiyaw lang ng kanyang isipan. "Ayoko na! Tigilan mo na 'ko! Parang awa mo na!""Tigilan? Bakit ko naman gagawin iyon?""Dahil. . dahil may asawa na ako!" Bigla niyang naisip sabihin. "Hindi na ako dalaga tulad ng inaasahan mo." 

MABUTI na lang, dito na mismo nanggaling ang hakbang para sa ideyang iyon. At least, hindi halatang matagal na niya iyong inaasam na mangyari - ang magkasama sila ni Helios sa iisang silid hanggang sa pagtulog.Ngunit ang pag-apaw ng galak sa kalooban ni Orlah ay biglang nalambungan ng pagkadismaya nang marinig ang idinugtong ng lalaki."Huwag kang mag-alala, sigurado ako sa sarili ko. I'm very professional. Hindi ko uga