Lahat ng Kabanata ng STOLEN: Kabanata 1 - Kabanata 5

 "Mag-asawa ka na," kantyaw ni Danica. Pinaglaruan niya ang pobreng display sa dashboard ng kotse ng kaibigan. Bahagya pa siyang napangiti habang sinusundan ang taas-baba ng ulo ng aso kapag ginagalaw niya iyon."Mauna ka muna." Mahinang tumawa ang kaibigan niya. Nakatanaw ito sa labas at pinapanuod ang mga nagdaraang sasakyan.Nakaparada sila sa gilid ng kalsada, malapit sa gas station. Hindi niya mawari kung paanong doon sila napadpad. Gusto lang daw nitong makipagkita. Wala rin naman siyang ginagawa sa bahay kaya pumayag siya.

Tumatagos na sa bintana ang matinding sikat ng araw. Nararamdaman na rin ang alinsangan ng panahon pero hindi pa rin naiisipang bumangong ni Danica. Kanina pa siya nakikipagtitigan sa kisame habang nakahilata sa kama. Nilalasap niya ang katahimikan sa buong apartment dahil umuwi ang dalawa niyang kasama sa mga pamilya nila.Huwebes Santo pero wala siyang magawa. Inabot niya ang cell phone na nakalapag sa lamesitang nasa tabi niya at tiningnan ang social media na mayroon siya. Agad na bumungad sa kanya ang mukha ni Ericson kasama ang girlfriend nito. Nayayamot na inilapag na lang niya iyon sa tabi niya.

Ilang beses na huminga si Ericson para pakalmahin ang sarili. Nakakuyom ang kamao niya. Nasa isip ang hitsura ng dalaga at ang naging pagtatalo nila.“Sira ba ang aircon natin?”