All Chapters of العربية1: Chapter 1 - Chapter 2

---------------عاشق الميمات - الجزء 1 ----------------- انا احمد 24 سنة ولد العروبية دري زوين عاطي العين و صحيح الحمد لله المهم قريت حتى ل سادس ابتدائي كانعرف نقرا ونكتب الفرنسية والعربية الحمد لله الواليدين ديالي مافحالهمش الواليد فلاح والواليدة مقابلة الدار وانا الكبير وعندي 2 خواتاتي صغر مني فكرت نطلع لمدينة نخدم نعاون مالين الدار ولكن ماعندي عندمن نطلع وتفكرت باللي كاين واحد خالي فكازا واخا هو معقد ومعزول وماعندوش مع بنادم ولكن ماعنديش منغيرو خالي سميتو المكي فعمرو 45 سنة مراتو ووليداتو كاينين حدانا فالعروبية صونات ليه الواليدة وحشم يرفض ليها طلبها جمعت حوايجي وعطاتني الميما ديالي الحنينة شي فليسات كانت مسكينة جامعاهم لدواير الزمان بعد يومين... صبحت فكازا وتعرض ليا خالي ومشيت معاه وقاليا باللي راه خدام كونسييرج فواحد العمارة كبيرة فالحي المحمادي وديك العمارة ساكنين فيها غي الناس اللي لاباس عليهم ها الاساتذة ها المحامين... وقاليا باللي راه غانبقا معاه حتى ايشوف ليا شي خدمة فشي بلاصا خرا المهم مشينا وطلعنا لبيت ديال خالي اللي كاينة فالسطح ديال ديك العمارة ودخلنا عمر ليا براد اتاي