HEART OF THE ROSE (FILIPINO)

“OH, bakit ang sama ng tabas ng mukha mo? Anong nangyari?” ang takang salubong kay Keira ng nanay niyang si Helen kinagabihan. Nakasimangot niyang inihagis ang shoulder bag sa sofa saka hinubad ang sapatos at nagsuot ng tsinelas na pambahay. “Natanggal po ako” ang malumanay pero inis niyang sagot saka inabot ang kamay ng ina at nagmano. Pagkatapos ay tumayo nang tamang pumasok naman ng kabahayan ang tatay niyang Lando. Inabot rin niya ang kamay nito at nagmano. “Oh bakit naman? Hindi ba at kasundo mo naman iyong supervisor mo?” walang bakas ng anumang paninisi siyang naramdaman sa tono ng nanay niya na sinundan niya sa kanilang kusina. “gusto mo ba ng kape?” tanong pa nito sa kanya nang maupo siya sa dinning at nakasimangot na nangalumababa. Tumango siya. “Hindi naman iyong supervisor ko nay, iyong sumunod sa kanya. Iyong Department Manager. Mababa raw kasi ang pasok ng kita kaya kailangang magbawas ng tao” aniyang sinundan ang sinabi ng buntong-h

MAAGANG nagising si Keira kinabukasan. Hindi niya maipaliwanag kung bakit pero talagang positibo ang pakiramdam niya na magiging maganda ang resulta ng lakad niya ngayon. Kaya naman nang makababa ng taxi sa tapat mismo ng mataas na gusali ng Bluebook Bookstore ay magagaan ang mga paa siyang naglakad sa malawak na parking space ng bookstore. Ramdam niya ang pagpapawis na ng kanyang mukha kaya naman minabuti muna niyang tumigil sa tapat mismo ng isang kulay itim na BMW saka sinipat ang mukha sa tinted nitong salamin. Medyo oily na nga ang mukha niya kaya inilabas niya ang kanyang press powder at nag-retouch. Matapos iyon ay isinunod niya ang kanyang lipstick at huli ang bahagyang nagulo niyang buhok. MULA sa loob ng kanyang kotse ay aliw na aliw na pinanood ni Charles ang babaeng abala sa pag-aayos ng sarili gamit ang tinted na salamin ng kanyang sasakyan. Naiiling at malapad ang pagkakangiti niya itong pinanood hindi dahil sa natatawa siya sa

SA tanong na iyon ay natigilan siyang napatitig kay Charles. Wala naman iyon kung tutuusin, pero hindi niya maintindihan kung bakit iba ang naging dating sa kanya. Iyong tipo na parang gusto niyang isipin na may chance naman pala siya sa lalaki. Pero imposible iyon kaya agad niyang ipinilig ang ulo. Umiling siya. “W-Wala po akong boyfriend sir” sagot niya saka nahihiyang ngumiti. Tumango-tangong muli si Charles saka nagbuka ng bibig para muling magsalita. “Last question, bakit Keira ang pangalan mo? You know kakaiba siya sa pandinig ko and I’m just curious.” “Ah, ang ibig sabihin po kasi ng Keira ay “little dark haired one”. Natural na itim po kasi ang buhok ko kaya iyon ang ipinangalan sa akin ni nanay” paliwanag niya. “Nice” ang lalaking tumayo. “so paano, see you tomorrow?” anitong inilahad ang kamay sa kanya. Tumayo narin siya saka kinakabang tinanggap ang pakikipagkamay ng kanyang amo. “Maraming salamat po sa pagtitiwa