One Upon A Time, I Was A Kontesera (COMPLETED)

Hinubad niya ang sapatos na mayroong mataas na takong at binato sa lalaking nasa harapan. Alam niyang madali nito iyong maiiwasan pero hindi nito ginawa. Tumama ang sapatos sa mukha ng lalaki at kaswal na pinulot nang mahulog sa sahig, pagkuwa'y lumapit at inabot iyon sa kanya. Sa ginawa ng lalaki ay lalong nangibabaw ang inis sa kanyang damdamin, tinabig niya ang kamay nito at sinampal sa mukha nito ang kapares ng binato saka tumakbo palabas ng restaurant.

Bumukas ang pinto, agad akong nag-angat ng tingin sa babaeng nakatayo sa pintuan. Nakasuot siya ng simpleng kulay kahel na kamiseta kapares ang puting shorts na abot hanggang tuhod. Nakalugay ang may kahabaan niyang buhok na parating nakapusod, napipinturahan naman ng kulay pula ang kanyang mga labi. "'Lika 'nak. Nand'yan na si Tita Annalisa mo, gusto ka n'yang makita." Malambing man sa pandinig ang lumabas sa kanyang bibig, tinusok naman ang puso ko sa pilit na ngiting nakapaskil sa kanyang maamong mukha.

Nadurog ang mga nagsibagsakang tuyong dahon sa ilalim ng suot na sapatos ng binata. Ang bawat langutngot na ginagawa ay humahalo sa himig ng mga ibong hindi mawari kung nasaan. Pabaling-baling ang ulo nito sa paligid, nilalasap ng paningin ang mga nagsisitaasang puno na walang sawang umiindayog sa bawat hampas ng banayad na hininga ni Vayu, ang Deva ng hangin. Panaka-naka rin ang paghinto nito upang langhapin ang aroma ng mga halaman at mga bulaklak na ilang. Hindi rin nito nakaliligtaang kumuha ng larawan na magsilbing baon pabalik sa siyudad. Hindi alintana na mayroong pares na paningin ang matiyagang nagmamanman sa kaniya.

"Kung ako ay muling isisilang, ang nais ko'y maging...Matayog ang tindig katulad ng sa kawayan at kasing puti ng garing.