Kabanata 11

"PLEASE, RIHAN. Magtatampo ako niyan," pangongonsensya rito ni Andrea. Wala nang nagawa ang binata kundi pagbigyan siya. After all, queen size bed naman ang kama niya. Ayaw kasi niya ng masikip.

Hinubad ni Rihan ang medyas nito at ang polo. My God, bakit parang uminit ang paligid? Tumingin ito sakanya at pakiramdam niya ay mas lalong uminit. Naka-slacks lang ito ngayon kitang kita niya ang six pack abs nito... Yes, aware naman siya noon pa na mayroon itong magandang katawan. Ito ang lalaking masasabing pang boy next door look. Ito rin ang tipo na babagay sa mga Calvin Klein products.

"R-Dihan... paki-check nga ang aircon. Hindi yata b-bukas." nauutal na utos niya.

Sinunod naman siya nito. "Bukas Heather, nasa cold pa nga oh," napalunok siya. So anong ibig sabihin nito? Ahh! Nakakahiya, my gosh! Baka anong isipin ng binata. Isipin nito na pinagnanasaan niya ito? Ano nalang iisipin nito sakanya? Na pati ito gusto niyang taluhin? Nakakahiya!

Kinuha niya ang kumot at daling tinalukbong iyon sa mukha niya. Hindi niya kayang harapin si Rihan! Binabatukan niya sa ilalim ng kumot ang sarili niya.

"Nakakainis ka talaga, Andrea! Nakakainis! Nakakahiya!" parang baliw na kinakausap niya ang sarili. Nakita niya ang anino nito sa kumot at malapit na sa kama. Bumundol ang kaba sa dibdib niya. My God, Andrea. Narito na siya... Inhale... Exhale... okay? Okay ka lang. Don't be like this. Matagal niyo na 'tong ginagawa ni Rihan, ngayon ka pa ba maiilang? Keep calm and be normal... inhale... exhale..

"Heather, ano 'yang sinasabi mo r'yan? Naririnig kong nagmu-murmur ka,"

Nanang ko po! "Ah... eh, wala ano! Matulog na nga tayo! Nakakainis 'tong lalaking 'to ang tagal kumilos!" kunwa'y galit na sita niya. Narinig niyang kumamot ito sa ulo at humiga na sa tabi niya. Uh-oh ito na Andrea... whoo... huwag mong gagapangin si Rihan! Virgin ka, pero maghunos dili ka naman 'no! Sabi ng inosenteng bahagi ng isip niya.

Asus, nagmalinis pa ang ale. Kontra ng malanding bahagi ng isip niya, napapikit siya sa inis na nararamdaman. Tinampal niya ang noo, Andrea please behave!

"Heather, ano ba? Ang gulo mo naman," reklamo ng lalaking katabi niya. Humiga na ito sa kama.

"Heh! Edi sa sofa ka matulog!" naiiritang sabi niya.

"Parang baliw lang. Ikaw 'tong nagsabi-sabi na tabi na tayo at samahan kita tapos ngayon tinataboy mo ako. May regla ka ba?" napapailing na wika na lamang nito at humarap sakanya batay sa anino na nakikita niya sa kumot.

Nakatalukbong pa rin sa mukha niya ang kumot. Kinuha at dinantay nito ang legs niya sa legs nito at niyakap siya. She was used to this, but parang may kakaiba ngayon? Parang... he looks more yummier... and sexier. Halos hindi siya makahinga, nagrarambulan ang puso niya sa bilis ng tibok nito.

Inalis nito ang kumot sa mukha niya. "Hindi ka makakahinga n'yan. Sleep well, Heather. May pupuntahan pa tayo after," hinalikan ulit nito ang ulo niya at naramdaman niya ang unti unting pamimigat ng mga mata niya.

~

ANG SARAP ng tulog ni Andrea. Pakiramdam niya, ngayon lamang siya ulit nakatulog ng mahimbing. Naramdaman niya ang mabining pagtapik sa balikat niya dahilan para magising siya. Namumungay pa ang mga mata niya ng bumungad sakanya ang fresh na fresh na mukha ni Rihan. Nakangiti ito.

"Come on sleepyhead. Gumising kana, ano'ng oras na. Nakahanda na ang pangpaligo mo," sabi nito

"Huh? Mamaya na... 5 minutes pa.." ungot niya.

"Anong five minutes ka r'yan! Kilala kita, Heather. Gumising ka na," sabi nito at sapilitang bnangon siya. Napatingin siya rito, bagay na bagay rito ang suot nitong V-neck white shirt na tinernuhan ng brown fitted pants. Fresh na fresh itong tignan. Parang ang bango bango! Nakaligo na ito, nakakahiya namang paghintayin ito kaya bumangon na siya at pumuntang banyo.

~

MAKALIPAS ang ilang sandali ay natapos na rin siya. Nagsuot lang siya ng chiffon turtle neck blouse. Color brown ito at may checkered na itim. Bigay sakanya ito ni Rihan kaya susuotin niya ito ngayon. Nagsuot lang siya ng pants at sneakers sa paa. Naisipan niyang itrintas ang napakahaba niyang buhok at naglagay ng beret hat. Nag-apply lang siya ng light make-up para maging presentable.

"Ganda naman natin ngayon," nakangiting puri ni Rihan at lumabas ang dalawang biloy nito sa pisngi.

Inirapan niya ito. "Matagal na akong maganda, ano."

"Pasok na po mahal na prinsesa," pinagbuksan siya nito ng pintuan ng kotse nang makababa sila.

"Saan ba tayo pupunta?" tanong niya rito

"Sa dating gawi," nakangiting sulyap nito sakanya. Nagkibit balikat siya at hinayaan ito.

Hindi naman nagtagal ay naroroon na sila isang Mall. Dinala siya nito sa Time Zone, at tama nga ito, isa ito sa paborito nilang puntahan. Excited na tinakbo niya 'yon. Nakangiting sinundan lamang siya ni Rihan.

"Oh my. Thank you Rihan!" nakangiting niyakap niya ito. Gumanti ito ng yakap sakaniya. Damn, namiss niya ito! Lagi sila nagpupunta rito ni Rihan kapag may libreng oras sila, ang tagal na niyang hindi nakakapunta rito dahil ilang buwan rin nasa Las Vegas ang binata.

"No problem, anything for you. I know ang tagal mo nang hindi nakakapunta rito," sabi nito. Kinurot ng dalaga ang pisngi nito at hinatak na ito papasok sa loob ng nasabing establismento.

Maraming token na binili si Rihan. Halos lahat ay mga teenagers ang nasa loob, sila na lamang ata ang matanda rito. 'Yung iba kasama lang ang mga anak, but who cares? Wala namang age limit ang lugar.

Tinuro agad niya ang arcade booth at pinili ang Tekken. Excited na pinili niya ang favorite character niya na si Xiao Yu, expert ata siya dito. Si Rihan naman agad na pinili si Lei. Ang galing nito sa character na 'yon, pero magaling din siya. Nakailang rounds sila at halos tie ang laban, kita niyang siniseryoso nito ang laban nila. Pero sa huli siya pa rin ang nanalo. Tawa siya ng tawa nang makita ang nanunulis na nguso nito.

"Ang daya! Sipa ka lang ng sipa!" reklamo nito.

"Heh, anong maduga roon! Eh technique niya iyon, kasalanan mo hindi ka marunong umilag!"

"O sige, Marvel Vs. Capcom naman tayo tignan ko kung manalo ka pa!"

"Sure!" hindi siya uurong sa anumang hamon

Kinuha niya si Chun - Li at ang second character ay si Gambit. Pinili naman nito si Wolverine at ang second hero nito ay si Captain America. Napasarap ang laban nila. Hindi nila namalayan na marami na palang nanunuod sa likuran nila, pero wala silang pakialam. Naka tatlong rounds din sila, noong una panalo si Rihan. Ngunit sineryoso na niya at ang mga sumunod na rounds ay siya na ang nanalo. Puro pangaasar naman ang inabot nito sakanya.

"Pinagbigyan lang kita kasi babae ka..." siya naman ang inaasar nito.

"Whatever," she rolled her eyes.

Sinunod naman nila ang basketball. Favorite niya ito pero mukhang hindi siya nito favorite, naroon iyong tumalbog 'yung bola at halos matamaan na siya sa mukha niya, naroon iyong bitin ang tira niya. Ah, nakakainis! Hinayaan na lang niya si Rihan. Natawa naman ito sa inakto niya. Marami pa silang nasubukang mga palaro at talagang nakakaunwind, sulit ang matagal nilang hindi pagkikita.

Sinubukan nila ang motor racing. Bet na bet naman niya dahil feel niya siya talaga ang nagmamaneho. Sinubukan din nila 'yung shooting range. Pero hindi siya pwede roon, matarantahin kasi siya kaya hindi niya nababaril ang kalaban. Si Rihan lamang ang nakarami ng points doon. Napadako ang tingin niya sa Dance Revolution at hinatak ang binata, hindi naman ito naging KJ. Pinili niya ang pinakapaborito nilang laruin doon. "Stomp to my beat". Noong nagaaral pa lamang sila ni Rihan, mahilig silang mag DDR nito at talagang hanggang ngayon ay wala pa rin silang kupas.

Hard ang stage na pinili nila, nagsimula na ang tugtog at narinig nila ang palakpakan ng mga tao. May mga kumukuha rin ng video sakanila.

Nang mapagod sila ay tinapos na nila 'yon at nagkatinginan. Pagod man, ngunit bakas sa mukha nila ang kasiyahan.

Saglit silang nagpahinga at papalabas na sana, nang may mahagip ito sa paningin. "Ang ganda ng stuff toy na 'yon oh," tinuro nito ang mga manika na iba't ibang hayop.

"Uhuh," Pumunta si Rihan sa toy booth at naghulog ng token. Excited na nilapitan niya ito. Concentrate itong makuha ang manika. At ilang sandali pa, voila! Nakuha nga nito! Isang white bunny iyon at inabot sakaniya.

Na-touch naman siya. "Thank you so much Rihan..." halos maluha luhang yakap niya rito. She was never been this happy. Ang tagal din niyang nag-isa. Walang kasama.

Hinagod nito ang likuran niya. "Anything for my princess,"

Gumala pa sila sa loob ng mall at naghanap ng restaurant. Nakaramdam siya ng gutom. Marami pa silang ginawa ni Rihan, pinagshopping siya nito at nag grocery sila.

Ang saya saya niya. Parang lumulutang siya sa alapaap. The best talaga kasama ang bestfriend niya.

Alas nueve na ng gabi nang mapagpasyahan nilang umuwi na sa condo unit niya, as expected dito matutulog ang binata.

She's tired and all. Pero ngayong gabi ay nakatulog siya ng may ngiti sa labi.