CHAPTER 2

CHAPTER 2

"So kasama mo pala iyong Sevence kanina? iyon ba ang dahilan ng pag tawag mo sa'kin kagabi? na hindi ka sasabay sa akin dahil kayo ang mag sasabay?" Mahaba at malamig na sunod sunod na tanong ni Zag.

"Ano ka ba Zag? nag kataon lang 'yon kanina! at tsaka, hindi 'yon ang nais kong sabihin sa'yo kagabi." Inirapan ng dalaga si Zag at napa cross arms na lamang ito.

 Umagang umaga ay nag aaway sila sa classroom. Buti na lang at kaunti pa ang mga kaklase nila. Malamang ay late pa ang iba dahil may hang-over pa sa nangyaring event kahapon.

"Gusto ko si Sevence." Halos pabulong na wika ng dalaga. 

Dahil rito ay napatingin si Zag sa kanya dahil sa pagkabigla. May kakaibang kirot itong naramdaman sa kanyang dibdib.

"Ang bilis naman," walang kabuhay buhay na wika ng binata. 

Nagpakawala ito ng isang malalim na buntong hininga.

"I mean, crush lang naman. Best friends tayo hindi ba? it means dapat supportado mo 'ko." Naka peace sign pa ang dalaga at nag pa-cute dito.

"Crush crush pa, nandito naman ako." He murmured.

"May sinasabi ka?" naka kunot ang noo ng dalaga na nag tanong sa pag aakalang may sinabi si Zag.

"Wala, kung saan ka masaya doon ako." Ito lamang ang huling sinabi ni Zag at itinuon na ang atensyon upang mag handa para sa klase. 

Unti-unti na rin kasing nagsisidatingan ang kanilang mga kaklase. Mag katabi lang naman silang dalawa pero hindi sila nag kikibuan. Pareho nilang hindi alam kung bakit parang nailang sila sa isa't isa.

"Good day class! ready your physical science workbook and open it on page 57," wika ng kanilang instructor na si Ms. Beth Lansi.

"I want you to read and understand that paragraph and answer the activity on page 58. After that, you may leave your answer sheets on my table," dugtong pa nito bago tuluyang iniwan ang klase ng STEM 1. She teaches like that. Mag bibigay ng babasahin tapos mag iiwan ng sasagutan. Halos araw-araw siguro ay ganyan lang ang ginagawa nila. 

"Iyan talagang si ma'am, hindi tayo tinuturuan. Akala niya ay ang dali ng subject niya eh." Parereklamo ng isa sa mga kaklase nila Zag at Athene. That guy's name is Jarryl.

"Oo nga, akala siguro eh mala Isaac Newton ang mga brain cells natin kung makapag iwan ng gawain eh," sagot naman ni Heven. 

Isa sila sa mga kaklase nina Zag at Athene. Silang dalawa talaga ang tandem sa pagiging reklamador. Kahit naman kasi madali ang gawain ay panay pa rin naman ang reklamo nila. Ilang sandali pa...

"Zag, patulong naman dito sa number 6." Naka pout na wika ni Athene na nagpapa-awa effect pa sa binata.

"Basahin mo ng mabuti para masagutan mo." Pagsusungit ng binata na siyang dahilan ng pagsasalubong ng kilay ni Athene.

"Ang damot damot mo!" Hindi na siya kinibo pang muli ni Zag at patuloy lang ito sa pag sagot.

 Inigihan na lamang niya sagot sa sarili niya. Hindi na bumalik pa ang kanilang instructor kaya naman ipinasa na niya sa mesa ang kanyang papel. Nakapag pasa na rin naman ang iba at nagsi-labasan na ng silid. 

Dinampot na ni Athene ang kanyang bag at lumabas na. Iniwan nito ang kaibigang si Zag na patuloy pa rin ang pag sagot sa kanyang answer sheet.

Hindi alam ng dalaga na habang nasa loob pa ng silid si Zag ay sinilip nito ang answer sheet ng dalaga at sinagutan ang mga numerong niliban ng dalaga sa pag sagot. Napa iling-iling na lamang ang binata sa mga sagot ni Athene. Iniisip nito na pinairal na naman ng dalaga ang kanyang pagiging spoiled brat.

Ngayon ay hindi na naman alam ng binata kung saan niya hahagilapin ang kaibigan. Pero sumagi agad sa isip nito ang cafeteria dahil matakaw ang dalaga.

Pag dating niya roon ay inilibot niya ang kanyang paningin sa loob at inisa-isang tignan ang mga studyante. Nabigo siya sa pagkakataong ito dahil wala rito ang dalaga.

Saan na naman kaya ito nag punta?

"Heven, by any chance nakita mo ba si Athene?" Tanong ng binata sa kaklase na si Heven nang makasalubong niya ito sa hallway.

"Ah si Athene ba, naroon yata siya sa court eh, kasama niya yung transfery na lalaki from ICT," sagot ng dalagang si Heven.

"Ah ganoon ba. Sige salamat." Hindi na kumibo pa si Zag. Ngayon ang iniisip niya ay kung pupuntahan ba niya ang kaibigan sa court? o hahayaan na lamang niya ito kasama ng bagong si Sevence?

Sa huli ay napag pasyahan ni Zag na puntahan na lamang ang dalaga. Kaibigan siya nito at dapat dumaan muna sa kanyang pagkikilatis ang lalaking iyon.

Nang makarating siya sa court ay nakita niyang magkatabi ang dalawa. Nagtiim ang bagang nito at nagsalubong ang makakapal niyang mga kilay.

"Athene!" Sigaw ng binata na umalingawngaw sa loob ng court. Nag echo pa nga ito dahil covered ang court nila at madaming tumatambay at nag lalaro din doon.

"Oh Zag?" Naka taas ang kilay na sabi ng dalaga.

"Siya yung best friend mo 'di ba?" tanong pa ni Sevence kay Athene.

"Oo," sagot ng dalaga at bumaling muli kay Zag na nag lalakad na papunta sa kanilang direksyon.

"So you're here with him, Sevence diba pre?" pag kukumpira ni Zag.

"Yes pre, it's Sevence. Aalis na ba kayo ni Athene?" 

"Ah hindi, hinanap ko lang siya para tanungin kung sabay ba kaming kakain sa lunch, since mag kasama naman kayo I think I know the answer already." Pagpapaliwanag ni Zag nang maka lapit ito sa dalawa.

 Pagkatapos ay may kinuha ito sa kanyang bag. It was a box of sliced fresh fruits.

"Here, I made this for you. Kainin mo after lunch." Ibinigay niya ito sa dalaga at nag aalangan namang tanggapin ng dalaga iyon. 

Inisip nito na sana ay sabay dapat nilang kakainin iyon. Hindi naman intensyon ni Athene na isipin ng binata na hindi ito sasabay sa kanya sa pagkain. 

"Sa-salamat." Utal na sagot ni Athene. Iyon lamang ang lumabas sa kanyang mga labi. 

Pinanood na lamang niyang umalis ang binata at tuluyang mag laho sa kanilang harapan.

"Are you okay? come on! I'll buy you something to drink—something refreshing." Pagyaya ni Sevence.

 Mabuting lalaki naman si Sevence sa paningin ni Athene. Kahit na bago ito sa school nila ay open ito for changes at adjustments. Si Athene ang naging kasama niya.

"Thanks." Maikling tugon ng dalaga at ngumiti ito ng isang napakalapad na ngiti. 

Pero hindi mawaglit sa kanyang isipan ang kaibigang si Zag. Sino kaya ang kasama nito sa pagkain? bago paman kasi dumating si Sevence ay halos hindi na mapaghiwalay ang dalawa.

"Zag, mag-isa ka yata? nasaan si Athene?" Tanong ng kaklase nilang si Jarryl. 

Kasalukuyan itong nasa cafeteri at nagkataong magkita sila.

"She's with her new friend," maikling sagot nito.

"Napapadalas yata ang pagsasama nila ah, friend lang ba talaga?" May pagdududang tanong nito.

"I don't know and I don't care." Mapait na sagot ng binata. 

Pero sa loob loob niya ay gusto niyang tirisin ang Sevence na iyon dahil inaagaw niya ang pwesto nito bilang kaibigan ni Athene. Lalo pa't inamin ng dalaga na humahanga siya rito.

"Bro, kung ako sa'yo gumalaw galaw ka na. 'Yon ay kung may gusto ka kay Athene?" Iyon lamang ang sinabi ni Jarryl before he left Zag. 

Tulala parin sa kawalan ang binata at nag-iisip. Ano nga ba si Athene para sa kanya? Matagal na silang magkaibigan pero ngayon lang siya nagkaroon ng ganitong pakiramdam. Pakiramdam na nais niyang ipagdamot ang dalaga sa iba.

"Damn," halos ibulong ni Zag sa kahanginan upang walang makarinig.

Banas na banas siya sa nangyari ngayong umaga. Hindi n'ya nagugustuhan ang takbo ng pagkakaibigan nila ni Athene. Dapat ba niyang maramdaman ang naramdaman niya ngayon? O kalimutan na lamang niya muna ito?