CHAPTER 19

Juice

Hindi pa rin mawala sa isip ko ang sinabi ni Perfi kanina sa library. Damn it! Eina wag kang magpapahuli sa patibong! Perfiñan Suarez is a playboy marami talagang kahanginan ang lumalabas sa bibig ng mga yan!

Hindi tuloy ako makatulog kaya pagulong gulong ako sa kama. Umupo ako at sumandal sa head board ng kama, kinuha ko ang aking cellphone at nagbukas na lang ng facebook. Nakita kong may messages sa group chat naming magkakaibigan. It's name was 'Sheaven Up'. So corny pero yun ang gusto ni Niña. 

Roma: Guys! May balita ako!

Niña: Ano na naman?

Mariel: Sigurado akong kabalbalan na naman yan.

Ako: Ang hilig niyo sa chismis!

Natawa ako ng emoji lang na natawa ang chat nina Vaness at Marriane, ang dalawang tahimik sa aming grupo. Napansin kong hindi nag chat si Leley kaya chineck ko kung online, tumaas ang kilay ko ng makitang online naman ang bruha. May kalandian siguro ito.

Roma: Si Leley hassler!

Leley: Tumigil ka ROMA!

Kumunot ang noo ko. Well, I smell something fishy. Ano kayang kabulastugan na naman ang ginawa ni Leley?

Ako: Hoy!! Ano yan?

Mariel: Spill it up!

Vaness: Matanda na naman?

Halos humagalpak ako ng tawa sa chat ni Vaness. Oh my gosh! Nickname na yata ni Leley ang matanda. Ako kasi ang nagpasimuno ng pagloko sa kaniya nun dahil noong first year college kami ay nagkaroon si Leley ng admirer na tricycle driver! Hindi naman yun pinatulan ni Leley pero dahil baliw ako pinanloko ko sa kaniya yun.

Leley: Mga bruha kayo! Anong matanda Vaness?!

Ako: Don't worry Leley, we support you.

Napahagikhik ako sa reply ko. Damn it!

Roma: So ito na ang chismis guys!

Mariel: Fuck you Roma! Kanina ka pa! Pabitin ka!

Wew! Ang taray talaga ni Mariel.

Roma: Chill hahhaa! Ito na! NAKITA KO SI LELEY NAKIKIPAGHARUTAN KAY ISAIAH HAZE SUAREZ!!

Oh my god! Mukhang nakakabingwit na si Leley ah? Suarez pa talaga?!

Mariel: Maharot kayo! Magsama kayo ni Eina! Tirador ng mga Suarez!

Napairap ako sa sinabi ni Mariel at magrereply na sana ng biglang may nag pop up na notification. Kumunot ang noo ko at pinindot ito. Nalaglag ang panga ko ng makita ito.

Perfiñan Kyle Suarez is asking me to be his friend on facebook!

Napatitig pa ako dito na para bang nagdadalawang isip pa ako. Nagkibit balikat na lang ako at inaccept siya dito. At halos mapatalon ako ng makatanggap ako ng message sa kaniya.

Perfiñan: Ayos! Love mo talaga ako!

Kumunot ang noo ko at napailing sa sinabi niya. Malakas talaga ang hangin nito.

Ako: Kahit sa facebook ang hangin mo.

Napaisip tuloy ako. Mahilig kaya siya sa social media? At dahil yata sa pagiging curious I checked his account.

Perfiñan Kyle Suarez
Bio: Chemical Engineering, Basketball player.

So simple huh? Napangisi ako ng makita ko ang kaniyang profile picture. He's leaning in a white wall while looking up to the sky. Stolen shot pero ang gwapo niya pa ring tingnan. His adams apple is very evident. 

Nakita ko ang comments at halos papuri yun sa kaniya. Umabot pa talaga ng 1k ang comments ang reacts naman ay umabot sa 5k. Wew! Edi siya na ang famous!

Tiningnan ko ang mga photos niya at puro kasama dito ang mga pinsan niya, ang pinaka madalas niyang kasama ay si Isacar. Iba't iba ang pictures niya. May kinuhaan sa bar, sa beach, sa isang building, sa school at kung saan saan! I even saw the Eiffel tower! Wow! France!

At ang mas nakakatawang pictures nila ay ang isang challenge, cousin challenge na nakahiga sa hagdan. Sunod sunod sila doon. Ang nasa pinaka dulo ay si Edu ang nasa kabila naman ay si Perfi at katabi niya si Isacar na tumatawa. Stolen shot pero parang nagmomodel pa rin sila sa hagdan!

May caption pa na captured by Jemina Gabriela Suarez.

Mukhang close na close sila. Malakas ang cousin bonds nila. Kahit ang pinaka seryoso na si Isaiah ay napapasama nila sa mga kalokohan. 

Sa timeline niya naman ako nagtingin at nakita ko ang mga shared post na puro kabulastugan. Natatawa na lang ako kapag may nakikita akong shared post na naka mention ang mga pinsan niya.

Isa talaga sa mga maloloko sa kanila ay si Jonas. Damn! Pano ba naman nakita kong may picture si Jonas na naka boxer lang? Damn this Suarez's!

Nakatulog na yata ako dahil sa pag check ng account ni Perfi. Kinabukasan ay late na akong nagising kaya dinaig ko pa si the flash sa pag aayos. 

Nang bumaba ako ay kinausap pa ako nina mommy ng mabilis bago ako nakaalis. Pinaharurot ko ang aking Vios patungo sa school.

Nang makarating sa school ay halos takbuhin ko na ang room at nakahinga ako ng maluwag ng wala pa ang prof and as usual dinumog na naman ako ng mga salita nina Leley at Roma. 

"Isang linggo na lang Sem break na!" Sambit ni Leley habang naglalakad kami patungo sa cafeteria. Ngumisi ako kay Leley.

"Tapos makakasama mo na ng matagal si Isaiah?" Pagtudyo ko.

"Manahimik ka nga Eina! Puro chismis talaga kayo!" Iritadong sinabi nito. Napailing ako at humalakhak.

"Pero seryoso Leley, paano mo nasungkit ang isang Isaiah Haze? Ang tahimik at suplado nun eh!" Sabi naman ni Roma.

Tama si Roma. Sa magpipinsan si Isaiah ang medyo nakikitaan ko ng katinuan sa buhay. Pero over over naman kasi. Parang laging pinagsakluban ng langit ang lupa dahil ang dalang ngumiti! Pero syempre gwapo pa rin, sa totoo ng mas habulin pa si Isaiah ng mga babae dahil sa personality nito.

"Basta shut up na lang kayo!" natawa kami parehas ni Roma kay Leley na mukhang problemado na rin.

Nang makarating sa cafeteria ay nakita na namin sina Niña na nakaupo doon at may nakahandan ng pagkain. Shocks! Nakakagutom!

Mabilis akong umupo at kumain pero halos mabilaukan ako ng may bigla na lang naglapag ng isang juice sa tabi ko. Natahimik ang mga kaibigan ko dahil doon. Nang tiningnan ko kung sino ito ay halos tumakbo ako.

"Laway mo tumutulo." Nakangising sinabi ni Perfi habang nilalagay ang juice sa tabi ng pagkain ko. 

Kumunot ang noo ko sa kaniya at sinamaan ko siya ng tingin.

Ano na naman kayang drama nito sa buhay at nandito ito? 

"Ano 'to?" I asked while staring at the juice. Tumaas ang kilay niya ng magtama ang aming mga mata.

"Malamang juice." Sabi nito sabay alis. Na high blood na naman ako sa lalaking ito! Pero hindi na ako nakaimik ng umalis na siya at nakangisi pa siyang umupo sa table nilang magpipinsan. 

"What is happening in the world?!" OA na tanong ni Niña sa akin. Si Leley naman ay nakangisi na sa akin. Roma is looking at me suspiciously. Mariel is raising a brow at me, while Marriane and Vaness are just looking at me.

Umirap ako sa kanila at pinagpatuloy ang pagkain pero hindi na yun natuloy dahil hinigit ni Roma ang pagkain ko.

"Ano ba?!" Angal ko.

"Magkwento ka muna! What's the real score between you and Perfi? Naghalikan na ulit kayo?" Excited na tanong ni Roma.

Halos mapairap na naman ako sa mga bulgar niyang tanong. Ano ba naman yan! Napatingin ako sa paligid at ngayon ko lang napansin na may umiirap na sa aking mga babae. Hala? Anong ginagawa ko sa inyo? Kung gusto nila sa kanila na lang itong juice! Bwisit!

"Wala! Isang malaking impakto lang yun!" Sabi ko sabay kuha ulit ng pagkain ko. Nagpatuloy ako sa pagkain at napasulyap sa lamesa nina Perfi. I saw them laughing with Jonas. Isacar and Isaiah are also there. Kulang sila ngayon dahil aanim sila. Sina Perfi, Isacar, Jonas, Isaiah, Edu at Arthur lang ang nandun. 

Nag iwas ako ng tingin ng makita kong titingin si Perfi sa direksyon ko, wala sa sarili kong kinuha ang juice na ibinigay niya at ininuman yun, hanggang sa napansin kong may nakadikit pa lang sticky notes dito.

This juice is made out with my pure heart. So drink this or I'll drink you.
-P.K Suarez