Chapter 37

A Sunset Confession

“So we must part ways in here” Inagaw naman ni Chase ang bag na hawak hawak ni Ian na pagmamay-ari ni Lyan.

Isang oras din ang inabot nila bago sila makarating dito sa Airport ng Gabu sa Ilocos Norte. The style of the airport is much more different from the airport they departed. Hindi mo masyadong pag-iisipang airport ang isang ‘to dahil ang mga pader at ibang buildings ay gawa pa rin sa Brick na mukhang disensyo pa noong panahon ng mga espanyol. But it’s still refreshing to look at it, it is an ancient beauty.

“Saan ba kayo naka check-in?” Napatanong naman si Ian.

“Sa Currimao yata iyon?” Bago pa man mapigilan ni Chase si Lyan ay nakasagot na ito kaagad sa kanya.

“Saan ba doon? Doon din kase ako.” Lumawak naman ang ngiti ni Ian.

“Sa Kadillian ba ‘yon Sir?” Napakamot na lamang sa kanyang ulo si Chase dahil wala nang preno ang pag-sasalita ni Lyan.

“Really? Doon din ako. Tignan mo nga naman ang KAPALARAN” Napatingin naman si Ian kay Chase at napangisi.

It wasn’t Kapalaran at all though. Habang nasa site si Kim at si Chase ay pinag-usapan nila ang tungkol sa travel nila sa Ilocos. Dahil mausisa si Ian, nakinig siya sa buong detalye ng byahe nilang ito. And he is smart because he was able to set up this travel of his own na makakasama pa rin niya si Lyan.

“Sir, nandiyan na po ang sasakyan” Napangiti naman ng malawak si Lyan nang makita niya si Kim na lumapit kay Chase. Nakasuot lamang ito ng shorts na itim at Hawaiian pa na polo.

“Kuya Kim! Ibang aura mo ngayon ah!” Hindi naman napigilan ni Lyan na purihin ito. Napatigil ang tingin ni Kim kay Ian nang makita niya ito. Nagtinginan naman saglit si Chase at Kim.

“Nauna ka pala dito ha!” Nanlaki naman ang mata ni Kim nang bigla siyang pinalo ni Ian sa kanyang pwet. But Kim remained calm as if it was nothing.

“Tara na. Let’s go Jin-Jan. hold your hands together” Hinawakan naman ni Ian ang kamay ni Jin at si Jana naman ay nakahawak kay Jana. Nagulat na lamang si Lyan nang hinigit siya ni Ian at napatiuna sa paglalakad.

“Bakit parang ako pa ang naging Yaya?” Napatingin si Chase sa kanyang mga bagahe na hawak.

“Those were my kids.. That is my Nanny..” Nakurap naman ito habang nagiisip. Nagulat naman si Kim nang bigla niyang binitawan ang mga hawak niyang bagahe.

“Ikaw na mag-buhat. Napipikon na ako” Nakapamulsang saad naman ni Chase at nagsimulang mag-lakad. Naalarma naman si Kim kaya agad niyang dinampot ang mga bagahe at nagmadaling sumunod kay Chase.

Naabotan naman ni Chase si Lyan at Ian na papasok na sana sa loob ng Van ngunit bigla namang hinatak ni Chase si Lyan.

“Dito ka sa harap.” Binuksan naman ni Chase ang pintoan para sa tabi ng Driver’s seat.

“Paano po ang mga bata?” tanong naman ni Lyan na hanggang ngayon ay gulat na gulat pa rin sa pag-hatak sa kanya ni Chase.

“Gusto ko matulog. “ tipid na sagot lang naman ni Chase at sapilitang pinapasok si Lyan sa loob. Napaawang lang naman ang bibig ni Ian sa ginawa ni Chase. Pinagtaasan lang naman ni Chase si Ian ng kilay at napatiuna sa pag-pasok sa loob.

“Ate Lyan! I see a fire truck, is there a fire?” Tanong naman ni Jin habang nasa byahe sila. Pumagitna ang kambal sa pagitan nila Ian at Chase. Pareho naman silang nakatingin sa ibang direksyon.

“Maybe. What does the fire truck do again?”

“It kills the fire!” Tinaas pa ni Jana ang kanyang kamay upang mauna siyang sumagot.

“Firefighter! Firefighter! Where are you?” Nagulantang si Ian at Chase nang biglang kumanta si Jin at Jana at sumabay pa si Lyan.

“Here I am How do you do?” dugtong pa ni Lyan.

“Oh! There is Robo Car Poli!”  Sinundan naman ng tingin ng dalawang bata ang sasakyan ng police na mabilis na dumaan sa kabila.

“Ready set! Have you met? Robocar Poli!” Napamulat ulit ng mata si Chase nang akmang iidlip na sana siya nang biglang kumanta ang dalawang bata

“Always here, anywhere!” Naki-pagduet naman si Lyan. Hindi naman niya inaasahang ganito na kasigla ang dalawang bata at masayang  masaya pa tuwing kumakanta sila. He could see that Lyan is just like one of them.

ChildCare271: Make your kids feel like you are also a friend of them, Kids get excited whenever they are with someone who has the same likings. Ang sabi nga nila ay kapag ikaw ay nag-alaga ng bata, Babalik ka din sa pagkabata. Showing interest to bond with them will make them feel happier.

“This is becoming a nursery fieldtrip” Napailing-iling naman si Chase at inabala ang sarili sa bintana. Hindi na lamang siya matutulog dahil magigising lang din naman siya.

“I know that too. Robocar Poli~”Napalingon kaagad si Chase sa kanilang apat nang marinig din niyang kumanta si Ian.

“Ready set! Have you met!” sabay sabay nilang kanta.

“Shh. Don’t sing.” Napatigil naman si Ian nang itinuro siya ni Chase. “Tulungan mo si Kim mag-drive. Tinignan mo kung may sasakyan sa likod.” Ito naman ang utos ni Chase sa kanya.

“My..side mirror naman ah”

**

Nakarating sila Chase sa isang Resort malapit mismo sa beach ng Currimao. Mula sa bungad ay makikita mo na agad ang mga preserved structures ng buildings mula pa noong mga panahon ng espanyol. Some buildings are meant for rooms. May mga ruins at buildings din na hindi na pwedeng kwartohan pero pwedeng silongan o pwedeng doon kumain dahil may mga bench ding nakalagay. Hindi gaanong malawak ang Resort. Hindi katulad sa mga typical na resorts na Ilocos particular na sa Pagudpud. It may be an Underrated Resort.

May mini garden at fish pond. Dadaan ka sa isang maliit na tulay na gawa sa kahoy para makapasok sa loob. Mayroong Pool doon sa tapat ng mga rooms. Mayroong maliit na daanan bago ka makakababa papunta mismo sa Beach. Mabato ang ibang bahagi ng dagat, mayroon ding parte na may buhangin. You could feel the amazing cold wind coming from the seas. This is indeed, Ilocos.

“Hey, Mabuti naman at nakarating na kayo.” Nabura kaagad ang ngiti sa mukha nila Ian at Lyan nang makita nila ang major entrance ni Hana. She is currently wearing her yellow bikini with a see through Cardigan. Ang paglakad niya ay parang binibining pilipinas sa swimsuit runaway.

Nakipag beso naman ito kay Chase at nakipagtitigan pa siya ng ilang segundo. Inlove na inlove ang set up ng dalawa kaya naman umiwas kaagad ng tingin si Lyan. Lumapit siya sa kinaroroonan nila ni Ian, pakunwari namang nginitian niya ang mga bata.

“Mr. Albayalde, your presence in here isn’t expected. Well I hope you can enjoy—“Hindi na naituloy ni Hana ang kanyang sinasabi nang bigla namang naglakad lamang si Ian at nilagpasan siya.

“Nagkita ulit tayo” Inilipat na lang ni Hana ang kanyang atensyon kay Lyan. Panigurado pagdidiskitahan na naman niya ang kambal at si Lyan.

“Kung may binabalak—“ Naudlot ang sasabihin sana ni Lyan nang bigla niyang nakita si Ian na tumatakbo palapit sa kanila.

“Ano ba ‘yan may signage doon. Don’t leave your belongings daw” Nagulat naman si Lyan nang bigla siyang hinatak ni Ian. Nahila naman si Jin na hawak hawak ni Lyan at biglang binuhat ni Ian si Jana habang palayo sila.

Tuwang tuwa si Lyan na makita ang outfit ni Jin at Jana. Ang bikini ni Jana ay katulad ng sa isang Mermaid na kulay sky blue. Si Jin naman ay nakasimpleng shorts lamang at may hawak na salbabida.

Dahil gusto rin naman mag-enjoy ni Lyan kasama ang mga bata nagdala din ito ng kanyang bikini.

“Grabe, di halatang 80 pesos” Umikot naman si Lyan upang tignan ang kanyang sarili sa salamin. Nag shorts na lamang ito ng medyo maikli dahil ayaw din naman niyang maging kagaya ni Hana na nagbabalandra ng sexy’ng katawan. Aminado naman siyang hindi siya ganong kakinis.

Nang binuksan ni Lyan ang pintoan sa kanilang kwarto at nagsitakbuhan palabas ang dalawang bata. Natanaw naman ni Lyan ang pag-phophotoshoot ni Hana sa may Beach.

Nagulat naman si Lyan nang may makita siyang malaking bola na tumalbog sa kanyang harapan. Hinabol ito ni Jin at itinapon sa Kiddie Pool. Doon nila ipinagpatuloy ang paglalaro sa bola.

“Ready ka talaga mag-swimming” Nakita naman niya si Ian na abot tenga ang ngiti. Mukhang sa kanya pa galing ang bolang tumalbog.

“Hindi lang naman ako” Napatango-tango si Lyan at tinignan niya naman si Ian mula ulo hanggang paa. Today Ian exposed his upper body. Naka beach shorts lang naman ito at naka-tsinelas. Pansin naman ang batak ng katawan na ito at medyo may pagka-tan na ang balat. Siguro ay dala ito ng kanyang trabaho. But, Ian suits his skin just right. 

“Tara, Let’s play with the kids.” Akmang mag-lalakad na sana si Lyan para sundan si Ian na lumusob na din sa kiddie pool ay nakarinig siya ng pag-tikhim sa kanyang likoran.

Sana hindi na lang siya lumingon. Para may isang pintoang bumukas at iniluwal ang nakakasilaw na liwanag. It was Chase wearing his beach shorts leaving his upper body naked. It wasn’t the first time she saw his abs but, she couldn’t help but to be amazed. Halos magkasing laki lang naman sila ng katawan ni Ian ngunit siguro ay mas maputi si Chase. Parang alagang gluta ang kanyang balat. Ni isang peklat wala.

“Lulusob ka ng ganyan?” Chase stared at her from head to toe. Patay malisyang napatango lang naman si Lyan..

“That won’t do. Ito suot mo” Napasapo naman si Lyan sa isang Jacket na inihagis ni Chase sa kanya.

“Jacket?”

“That’s okay. Manipis naman ang tela niya at Nylon ang tela. Hindi ka dapat nagswiswimming ng nakaganyan kase…ano. .. May kasama kang bata oh!” Nagulat naman si Lyan nang biglang napataas ang boses ni Chase.

“Hindi ‘yan pwede. Suot mo na dalian mo.” Nataranta naman si Lyan at kaagad niyang sinunod si Chase. Bumili pa man din siya ng bikini niya para lang makapag swimming pero mukhang wala rin lang yatang silbi.

“Ang KJ mo naman Boss!” Napalingon naman sila nang sumigaw si Ian na kasalukuyang nag-eenjoy sa pag swiswmming.

“And you, you come with me”

“Ako?” turo naman ni Ian sa kanyang sarili.

Bigla namang naglakas si Chase papunta sa kianroroonan ni Ian. “Sumama ka sa’kin kase magluluto tayo ng barbeque, Ano makikikain ka lang?”

“Aray! Aray! Oo na nga!” Napasigaw naman si Ian at sapilitan siyang napatayo nang piningot ni Chase ang kanyang Tenga. Padabog naman umahon si Ian sa pool.

“Napaka seloso talaga..” Bigla namang napadaan si Kim sa likoran ni Lyan habang hawak hawak ang mga kakailanganin nila sa pag-luluto.

**

“Bakit parang pagod na pagod ka?” Hindi naman napigilan ni Lyan na tanongin ang pawisan na si Ian habang naglalapag ng mga lutong barbeque sa lamesa. There is wine, fruits, past at samu’t saring inihaw na pagkain.

“Mainit. Pero mas mainit ako” Kumindat naman ito kay Lyan. Ian was about to sit beside Lyan pero hindi ito itinuloy ni Ian nang bigla niyang makita si Chase na bitbit si Jana at pinaupo niya ito sa kanyang tabi. When Ian attempted to sit on Lyan’s other side saka naman niya pinaupo si Jin doon.

“There’s a lot of carbs.” Hana sniffed as she settle herself. “I’ll eat some salad.” Masiglang sabi pa nito.

“Kahit kainin mo lahat para maging kambing ka.” Napakagat sa labi si Lyan upang pigilan ang kanyang pag-tawa nang marinig niya ang sinabi ni Ian.

“Para kang bakla.” Bulong ni Lyan sa kanya nang magtinginan sila.

“I won’t eat meat. “ Hinindian kaagad ni Hana ang dalawang barbeque na ilalagay sana ni Chase sa kanyang plato.

Nang maalis ni Lyan ang mga karne ng barbeque at nalagyan niya ang plato ng mga bata ay nagsimula na din siyang kumain. Walang preno preno. Kakain siya ng madami ngayon. Naghugas pa siya ng kamay kanina dahil kamay niya ang gagamitin niya sa pag-kain.

“Are you going to eat with your hands? Hindi ba madumi ‘yan?” Sususbo na siya siya nang kanyang unang pagkain ngunit nag-salita naman si Hana.

“Heto, kain ka lang” Nag-lagay naman si Ian ng seafoods sa kanyang plato.

“Bukas na ang Party ko. Gaganapin ang celebration ng birthday ko dito. I hope you can dress according to our motif. Hawaiian ang style. “

“Imbitado ba kami?” Ang Tanong naman ni Ian habang ngumunguya. Nahuli ni Lyan ang medyo matagal na titigan ni Ian at Hana. Lyan doesn’t understand but she caught Hana staring at Ian often. Kung totoo na magkagalit ang isa’t isa, positibo siya kay Ian. But Hana, she’s not sure. Alam niya ang mga titig ng galit, Ngunit hindi niya ito makita kay Hana. Alam niyang galit na galit si Hana sa kanya, She should somehow stare the same way with Ian, pero iba ang mga tingin ni Hana kay Ian.

Could it be that Hana still feels something for Ian?

**

Hana looks like an actress, Bukod sa magaling itong umarte ay may aking kagandahan talaga ito. Chase would also be fit for her leading man. Hindi mo naman maikakailang may edad na si Chase at malapit na ito sa kanyang 40s but he doesn’t really look like one.

Binisita nila Lyan ang Pangil Beach sa Currimao. Kilala ito sa malalaking tipak ng baton a maari mong akyating. Chase and Hana is currently having their photoshoot. Hindi naman alam ni Lyan kung para saan ba ito at mukhang hindi inaasahan ni Chase na pati siya ay idadamay ni Hana. Nakasunod pa rin ang dalawang babae kay Hana. Iyong katulong siguro niya sa pag-vlog.

Nahuli naman ni Ian si Lyan na nakatitig sa ibang direksyon. Nahuli niya ito dahil kasalukuyan niyang kinukuhanan ni Lyan sa kanyang camera. When Ian zoomed in the picture he just captured, napatingin siya sa direksyon kung saan ito nakatingin.

Then he saw Chase and Hana. Nakayakap si Hana sa leeg ni Chase at may roon pang parte na hinalikan ni Hana ito. He is such a fool if he didn’t understand those stares.. Those stares were full of desires for someone she can’t have.. Bagay na hindi lingid sa kaalaman ni Ian tungkol kay Lyan.

Sunset is real. Napakaganda ng kulay ng ulap ngayon. Kulay kahel ang marming bahagi ng ulap. It’s a perfect scenery for a lovely photo.

“picture tayo!” Napatingin naman si Lyan kay Ian na tumatakbo palapit sa kanya. Napatampisaw na agad ito para lang makalapit sa kanya.

“Ha? Wait hindi ako naka-ayos—“

Hindi naman nakaimik si Lyan nang biglang inalis ni Ian ang pusod ng kanyang buhok. Kaya naman nalugay ang kanyang buhok mula sa kanyang  beywang. Humawi si Ian ng ilang strands ng buhok ni Lyan at inipit ito sa kanyang tenga.

“Hindi mo ba alam? Kapag Sunsilk ang shampoo mo, hindi mo na kailangan mag-suklay?” Napahagalpak sa tawa si Lyan sa sinabi ni Ian. Kasabay non ang pagtunog ng camera. Nakausap din kase ni Ian ang isa sa staff ng resort upang kuhanan sila ng Picture.

“Nice!” galak naman na saad ng phothographer nila.

“Bakit alam mo ang shampoo ko?” tanong naman ni Lyan.

“Naamoy ko lang.” Nag-kibit balikat lang naman si Ian.

Lyan stood still because of what Ian just did. Bigla na lamang pinaglapit ni Ian ang kanilang noo kaya naman napalapit ang mukha nila sa isa’t isa. Ngayon napansin na lalo ni Lyan ang napakagwapong ngiti ni Ian. There she realizes that Ian’s smile is always complete..

And then Chase’s smiles weren’t. Something was always missing.

“I know, I’m not the first one..” Napalunok naman si Ian. Bumaba ang mga tingin niya sa bibig ni Lyan na kanina pa hindi mapakali dahil hindi niya magawang mag-salita.

“Pero liligawan ko ang puso mo, hanggang sa ako na ‘yong nandiyan”

“Okay! Ang ganda! Napaka-romantic ng pose!” Kaagad na kumalas si Lyan kay Ian nang marinig niya ang boses ng photographer. Paglingon naman niya dito ay nakita niya si Hana na nakatingin sa kanilang dalawa ni Ian. Namataan naman niya si Chase na nag-lalakad na palayo.

“Dinner’s almost ready” Inirapan lang naman ni Hana ang dalawa.

After the Dinner ay nagkaroon ng inuman. But Lyan isn’t used to drinking alcohol at isa pa maagang inantok ang mga bata kaya ito ang inasikaso niya kanina. Bumalik siya sa labas upang ipagpatuloy ang pag-kain niya ngunit nadatnan niya si Ian na nakayuko na sa lamesa at mukhang lasing na.

Chase is still enjoying his wine when she got there.

“Nasaan po si Miss Hana?”

“Sa room niya. She’s wasted so I carried her to her room” sumagot naman si Chase nang hindi tinitignan si Lyan. Pinaglalaruan pa niya ang kanyang baso ng alak. Mukhang hindi siya naglasing ngayon.

Para namang naurong ang kanyang gutom dahil si Chase lamang ang nadatnan niya doon. Pero nakokonsensya naman siyang iwan lamang si Ian doon kaya naman sinubukan niya itong yugyugin.

“Ian. Matulog ka na lang sa kwarto mo. Malamig dito.” But to no luck, Ian is sound asleep.

Nagulat naman si Lyan nang biglang tumayo si Chase at lumapit kay Ian. Napaawang ang bibig ni Lyan nang bigla niyang pwersahing iangat ang ulo ni Ian na nakayuko sa mesa at yumuko naman si Chase upang ipatong si Ian sa kanyang likod. Lyan tried to help but Chase already lifted him. Napasunod naman si Lyan sa kwarto ni Ian kung saan nagtungo si Chase.

Inihiga naman ni Chase ang lasing na si Ian at kaagad na lumapit si Lyan upang alisin ang tsinelas nito at patongan ng kumot.

“He is fine now.” Nanlaki ang mga mata ni Lyan nang bigla na lang siyang mahigpit na hinawakan ni Chase sa kanyang kamay at sapilitang inilabas ng kwarto ni Ian.  Napasunod na lamang siya kay Chase dahil parang wala pang balak itang bitawan ang kanyang kamay.

When they reached the room of the twins and hers, they both halted from walking. Kamuntikan namang na-out balance si Lyan dahil sa bilis ng paglalakad ni Chase. But che manage to stand up straight.

“Stay there and be with my kids, because that is your job. Hindi kasali sa trabaho mo ang pag-eentertain kay Ian. “

“Sir kaibigan ko po si Ian at kaibigan din siya ng mga kambal—“ Lyan just chose to shut her mouth when Chase opened the door of the twins. Kahit wala pa siyang sinasabi ay nakaramdam na ng kaba si Lyan. Dahil kakaiba ang aura ni Chase kapag galit na galit siya.

**