Chapter 4

"You're late, Miss Gonzales."

Oo, late na talaga 'ko. 10 minutes late. Sa History of Architecture pa. Tangina.

"I'm sorry, Sir. Nasira po kasi bag ko," nahihiyang tugon ko.

Nakasukbit pa rin sa likod ko ang nasira kong bag. Nahihiya man dahil pinagtatawanan ako ng mga nakakita sa akin kanina, hindi ko na lang inintindi. Wala namang dulot 'yang mga 'yan. Tatahiin ko na lang 'to sa bahay mamaya. Wala naman akong pera pambili ng panibagong bag. Pwede pa 'to.

Napasulyap siya sa bitbit kong eco bag, "Oh, I see. Sit down."

Nakahinga ako ng maluwag dahil sa sinabi niya. Mabuti na lang at medyo mabait sa akin 'tong prof ko na 'to. Nahagip ng mga mata ko ang natatawang mukha ni Bea. Hindi ko na lang pinansin dahil katawa-tawa naman talaga ang sitwasyon ko.

Agad naman akong naupo sa upuan. Katabi ko ulit si Matt. Napatingin siya sa eco bag na bitbit ko.

"Anyare sa 'yo, sis? Haggard ka, mamshie. Para kang hinabol ng toro, kaloka," bulong ni Matt. Natawa naman ako ng mahina sa sinabi niya.

Nakinig na lang ako sa discussiom. 'Di ko na inisip pa 'yung bag ko. Mamaya ko na lang aayusin 'yon sa bahay. Tatahiin ko na lang. Pwede pa 'yon. Tiyaga-tiyaga na lang muna. Wala akong pera pambili, e.

"Hoy kayong dalawa! Gawin niyo yung pinapa-research ko sa inyo! Ayos kayo, ah. Patambay-tambay lang sa canteen, ha!?" sermon ko sa kanilang dalawa.

"Luh, ikaw na mag-research! Tali-talino mo, e! Kaya niyo na 'yan!" reklamo ni Roniel.

Aba, ayos 'to, ha? Mga dumbbell talaga, ampota.

"Lul! Pag 'di kayo nag-research, 'di namin kayo ililista sa pangalan ng mga nag-participate," babala ko sa kanila.

Agad nanlaki ang mga mata nila at lumapit silang dalawa sa akim habang kumakamot sa ulo, "Luh, e 'to na nga e! Send mo na lang sa'min sa chat, Ali," tugon ni Brent.

"Hay nako, sige. Kapag kayo hindi gumawa, tignan niyi na lang 'yung listahan ng mga may grade,"

nakangising sabi ko.

Agad naman silang napa-palakpak sa tuwa. Napairap na lang ako sa kanilang dalawa. E 'tong nga 'to, college na pa-chill chill pa rin. Dumbbells, ampota.

"Nays." Itinaas ni Roniel ang kamay niya para makipag-apir sa 'kin.

"Hoy, ikaw. 'Wag kang aapir-apir diyan. Aral-aral din kayo, hoy! Puro kayo chix diyan," inis na sabi ko. Iba't-ibang babaeng nakikita kong kasama ng mga 'to per week.

"Ge, hahaha!" sabay na sabi nila.

"Bahala nga kayo diyan. Ayusin niyo 'yan, ha!" babala ko sa kanila. Tumalikod na ako at nagsimulang maglakad paalis.

"Oh? Anyare sa bag mo, te?" tanong niya matapos niyang makita na eco bag na lang ang dala ko.

"Nawasak sa mall. Nakakainis nga, e. Na-late pa tuloy ako. Punyeta," inis na tugon ko.

"Oh, sa'n mo naman nakuha 'yang eco bag na 'yan?" tanong niya matapos makita ang eco bag na hawak ko. Sasabihin ko kaya na si Superman nag-bigay no'n? Panigurado aasarin ako nito. Pero hayaan mo na, wala naman akong gusto sa isang 'yon, e.

"Do'n sa Luther na 'yon, siya kasi nakabangga ko," kwento ko sa kanya.

Nanlaki ang mga mata ni Jash. Akala mo naman may nangyaring kung ano.

"Hala weh!? Teka, girl. 'Yung buhok mo natatapakan ko. Ang haba, e. Pulutin mo nga," sambit niya with actions pa. Kunyare may natapakang ewan. Baliw talaga.

"Gaga! Tulungan mo nalang akong i-sauli 'to sa kanya," sambit ko habang naka-turo sa eco bag.

"Sureeee! Pero wow, ha? Saan mo nalaman name niya? Kagabi ko lang nalaman name niya nang i-search ko sa FB," takang tanong niya.

"Ahh, sa ka-block ko. Famous pala 'yun, e," pagkuwento ko.

"Ay, oo, dai! Pogi naman kasi. Sayang lang at may girlfriend pala siya, sis," dismayadong sabi niya. Harot talaga nito.

"Paki rin, e. Dami-dami pang pending sa crush list mo. Jowain mo muna isa-isa tsaka saka mo na siya i-dagdag sa crush list mo kapag break na sila ng gf niya."

"Ay, sigiii! Hihihihi."

Totoo nga, nilibre niya nga ako ng scramble. Ngayon ko na lang ulit natikman 'to. Sarap talaga! The best.

"Oy, te! Ayun bebe mo, oh!" turo ni Jash sa 'di kalayuan.

Napatingin naman ako sa tinuturo niya. Ando'n 'yung Luther kasama ang mga kaibigan niya. Dalawang lalaki tas isang bakla.

"Bebe, ampota. 'Di ko bebe 'yan. Sa 'yo na lang," sambit ko at napa-irap ang mga mata.

"Ayaw ko, te. Sa 'yo na lang. Yiee, soon-to-be," kilig na sabi ni Jash.

Kumain na lang ako ng scramble ko. Busy ako sa pagmamasid doon sa Lutger na 'yon mula sa malayo nang may naalala ako na nangyari kanina.

"Jash, ba't gano'n? Tinawag niya ko kanina sa pangalan ko. Kilala niya ba 'ko?" tanong ko sa kanya dahil puno ako ng pagtataka. Ako nga hindi ko alam pangalan niya, siya pa kaya?

"Baka naman nakita niya yung online shop mo sa FB. Alam mo namang maraming bumibili sayo kaya malamang, naririnig niya 'yung pangalan mo," sambit ni Jash habang kumakain ng fishball.

"Ay, oo nga 'no. Baka nga."

"Oh, anong nangyari sa bag mo?" tanong niya.

"E, La. Nasira e."

Kinuha niya ang bag ko at naupo sa tapat ng makina niya.

"Ako na ang magtatahi. Kumain ka na at gawin mo na ang mga dapat mong gawin," sambit ni Lola.

Sinunod ko ang sinabi niya. Kumain ako at tinapos ko na ang mga plates na dapat tapusin. May thesis pa kami next next week.

Tulog pa si Lola kaya't 'di na ako nakapag-pasalamat sa kanya. Nilagay ko na ang mga gamit ko sa bag at akmang aalis na ngunit may nakalimutan ako.

'Yung eco bag.

Nasa tapat pa lang ako ng pinto namain kaya't bumalik ako sa sala at kinuha 'yung eco bag. Isinilid ko 'yon sa bag ko at umalis na. Balak ko na sanang isauli 'to ro'n sa Luther na 'yon. Nakakahiya naman kung 'di ko isauli. Pinahiram lang naman ako, hindi naman binigay.

"Uy, Ali. 5 PM, ha? Kita-kita tayo sa gate." Paalala sa'kin ni Angel. Maganda 'to si Angel, e. Wala lang jowa.

"Oo, sabihan mo na rin sila."

Nasa canteen kami ngayon dahil nagkasalubong lang kami.

Kasama ko si Jash ngayon dahil kakain kami ngayon ni Jash sa Bentelog, para mura lang. Wala kaming pera, e.

Nang makarating sa Bentelog, agad kaming naupo ni Jash. Marami-rami rin ang kumakain.

"Uy, Jash!"

Napalingon kami ni Jash nang may tumawag sa pangalan niya.

"Oy, Richard!" bati ni Jash pabalik.

"Mamaya, ha? Punta ka sa bahay. Magpapakain ako," sambit no'ng Richard.

Napatingin siya sa 'kin at nagulat ako dahil biglang lumiwanag ang mukha niya.

"Uy, Ali tama?" tanong niya sa 'kin.

"Ah, oo hehe," nahihiyang tugon ko.

"Chat kita mamaya, order ako," nakangiting sambit niya sa'kin. Ang laking tao nito. Pero mukhang ang soft ng personality. Happy happy lang ganern. Umalis na siya sa tapat ng table namin at umorder doon sa cashier.

"Sino 'yon, te?" tanong ko kay Jash.

"Kaibigan ko 'yon, HRM 'yon, te. Sarap mag-luto," kwento niya.

Pinagpatuloy lang namin ang pagkain. Matapos kumain, nag-paalam na ko kay Jash dahil gagawa pa kami ng thesis kila Angel. Siya naman ay paparty raw mamaya. Laklakera talaga.

"Uy, nasa'n na sila?" tanong ko kay Angel.

"Ayan na, bumili lang sila ng fishball."

Nag-datingan sila Ry, Matt, Yen at Deo. May mga dalang street foods.

"Foodtrip muna bago gumora!" masayang sambit ni Matt. Bakla talaga 'to, ayaw lang umamin. Half bakla lang daw siya. Inilabas niya ang cellphone niya at itnaas sa ere, mukhang mag-vvlog.

"Hi, guys! So pupunta kami kila Angel ngayon para gumawa ng thesis. Hoy! Hi kayo, dali!"

Kumaway naman kami sa camera at nag-hi. Vlogger ng taon talaga 'tong si Matt.

"Huy, Deo! Tulala ka na naman diyan," natatawang sambit ni Yen.

"Ha? Bakit? Ano nangyari?" lutang na tanong niya. Matalino 'tong si Deo sa science, e. Ka-block ko rin 'to sa Natural Sciences at halos lahat ng tanong ay alam niyang sagutin. Sa sobrang talino nito, pati paglakad ng isang tao may scientific explanation siya. Kaya medyo abnoy 'to, e. Nasobrahan sa talino, ampota. Sana all. Dapat nag-scientist nalang ang isang 'to, e.

"Deo, may lindol!" pabirong sambit ni Ry.

"Ha? Wala akong nararamdamang wave mula sa lupa. Walang sudden release of stored energy in the Earth's crust kaya walang nangyaring seismic waves. In short, walang lindol. There's no debris falling from somewhere. Wala ring sudden shake from the ground. So paano mo nasabi na may lindol? Do you have a seismometer? Wala. Kaya walang lindol," eksplanasyon niya.

"Jusq, Deo. Oo na, shh na. Charot charot lang 'yung lindol," natatawang sabi ko.

Natatawa na lang kami sa pinagsasabi nito ni Deo, e. Buang, amp.

"Angel!"

Napalingon kami ng may tumawag kay Angel.

"Uwi na ko, may babasahin akong taxation," paalam niya kay Angel. Siya 'yung laging kasama ni Angel. Dominique Zoey pangalan niyan sa FB. Ang alam ko AB Political Science 'to. Mag-aabogado ata.

Nang makarating kami kila Angel, napatingin ako sa laki ng bahay nila. Mayaman sila. Ang ganda rin ng pagkaka-design ng bahay. Balang araw, mag-dedesign din ako ng mga bahay.

Nang makapasok kami, ang ganda ng interior design ng bahay nila. May pagka-old style dahil mga mga sculpture pa. Wooden style ang bahay nila. Classic, pero may pagka-modern.

"Te, may mumu ba dito?" takot na tanong ni Yen. Luma kasi talaga 'yung style ng bahay. Pero may mga parte na modern. Baka natatakot siya kasi naka-dim pa ang mga ilaw.

"'Di totoo ang ghosts, It's just because of low frequency sound, mold, carbon monoxide-"

"Oo na, Deo. 'Di na totoo ang mga multo. Shh na please. Huhu. My poor brain," pag-putol ni Angel sa sinasabi ni Deo. Jusq. Naloloka na ko.

Umakyat kami sa taas at pumasok sa kwarto ni Angel. Malako ang kwarto niya at halos kulay pink lahat ng gamit. Girly siya, e.

Ginawa na namin ang thesis namin at sa wakas. Saglit lang namin natapos. Mabuti naman at nakapag-research 'tong mga 'to. Si Brent at Roniel naman, missing in action. Pero nag-send naman sila ng research nila. Mukhang pinagawa pa nila 'to sa mga chix nila.

Kinabukasan, nag-meet up kami no'ng kaibigan ni Jash na si Richard sa gate.

"Uy, e 'to na, oh." Binigay ko sa kanya 'yung inorder niyang bag. Lalagyanan 'yun ng mga essentials. Mabuti na lang at may stock pa ako noon.

"Ay, salamat. Sabihan ko mga kaklase ko na bumili sa 'yo," sambit niya.

"Weh? Talaga? Naku, maraming salamat," tuwang-tuwa kong sabi. Ngumiti siya at naglakad na paalis.

Pumasok na 'ko sa klase ko. Mechanics of structures subject ko kaninang umaga. At e 'to, tanghali na naman. History of Architecture na naman.

Pag-pasok ko sa room, unang bumungad sa'kin ang matalim na tingin ni Bea. Ano na naman bang ginawa ko? 'Di pa rin ba siya maka-move on sa banggaan namin?

Hindi ko na lang siya pinansin at na-upo na ako. Nang dumating ang prof, nakinig lang ako kahit medyo inaantok na ako. Nang matapos ang klase, agad akong lumabas dahil balak kong pumunta sa Engineering Department. Isasauli ko na 'tong eco bag na 'to.

Nang makarating ako ro'n, nakita ko si Jash na papalabas ng building.

"Hoy, Ali! Himala, napadalaw ka? Miss mo ko?" nakangiting tanong niya sa 'kin.

"Duh, 'di ikaw pinunta ko rito," tugon ko.

"Ouch, aray. Huhuhuhu. Sakit," umarte siyang nasasaktan. OA mo, girl?

"Gaga! Isasauli ko lang 'tong eco bag do'n sa Luther na 'yon."

"Ay, weh? Gano'n ba? Lika! Samahan kita! Hihihihi," kilig niyang sambit at bigla niya na akong hinila.

Huminto kami sa tapat ng isang room. Baka nandito 'yung Luther na 'yon.

"Wait tayo dito, te. Nakita ko siyang pumasok dito kanina, e," sambit ni Jash.

Ayon na nga, nag-hintay kami ng ilang minuto malapit sa room na 'yon. Maya maya, lumabas na ang mga estudyante sa naturang kwarto.

"Oh! Ayan na, te!"

Napatingin ako sa pintuan ng room na 'yon at lumabas do'n si Luther. Kasama 'yung babae. 'Yung jowa niya ata? Ewan. Pake ko naman diyan. Duh.

Lumapit ako sa kaniya at kinalabit siya.

"Ay, pucha!" gulat niyang sambit.

Kung wala lang 'tong jowa, iisipin ko talagang bakla 'to, e.

"OA, ha? Oh, eco bag mo. Thank you nga pala." Inabot ko sa kanya 'yung eco bag at akmang aalis na.

"Thank you, Ingat ka."

Napatigil ako sa sinabi niyang 'yon. Biglang napatingin sa 'kin 'yung jowa niya. Takte. Baka pag-initan pa 'ko ng jowa nito. Hindi ko pinangarap maging kabit.

"Ge lang," walang emosyon at maikling tugon ko. Baka kapag ngumiti ako sa isang 'to, bukas may sasabunot na sa buhok ko.

Bumalik na 'ko kay Jash na nakangiti ng nakakaloko ngayon. Baliw talaga, ampota.

"Yan, ha. Ingat ka. Yieee," pantutukso niya.

"Gago nga, e. Sa tapat pa talaga ng jowa niya. Shunga-shunga lumandi."

"Baka naman 'di niya jowa 'yon, sis?"

"Aba, malay ko sa kanila. Bahala sila sa buhay nila."

Umuwi na kami ni Jash dahil wala na naman kaming klase. Kumain na rin kami sa Bentelog at nag-take out ako ng para kay Lola. Buti na lang libre ang sabaw do'n, pwede pa i-take out. Matutuwa 'yon si Lola. Paborito niya ang mga putaheng may sabaw.

Nakangiti akong naglalakad pauwi sa bahay dahil paniguradong matutuwa na naman si Lola. Ilang metro na lang ang layo ko sa bahay nang mapansin kong maraming tao ang nagkukumpulan sa tapat ng bahay namin. Ano kayang meron? May artista ba kaming bisita?

"Ali! Bilisan mo! Halika rito!" sigaw ng isang kapit-bahay namin.

Agad ko namang binilisan ang lakad dahil baka artista nga. Ma-didiscover na kaya ako sa TV? Magiging leading lady na ba 'ko? O baka naman extra lang ako pero anak ng mayaman. Na-eexcite tuloy ako. Hihi.

"Ali! Bilisan mo! Tumawag ka ng ambulansya! 'Yung lola mo!"

---

Plagiarism is a crime.

©bananughh2020