CHAPTER 8

Buwisit na buwisit siya dahil tinakasan siya ng dalawang ungas na iyon. Ang unang tinutukoy niya ay si Lara. Hindi niya nabugbog ang bakla kanina dahil naka-schedule na ito mag-halfday sa araw na iyon. Nagpaalam na ito sa kanilang boss one week ahead na may importante itong aasikasuhin kaya maaga ito umuwi kanina. Habang ang pangalawang ungas naman na si Jc ay maaga rin umuwi dahil may importante raw itong pupuntahan.

"Daming dahilan. Talagang tinakasan niyo lang ako," parang baliw na kausap niya sa kaniyang sarili.

Kaya hanggang sa matapos ang opening shift niya ay sobrang badtrip siya. Pati ang kaniyang mga kasamahan sa trabaho na wala namang kamalay-malay ay nadadamay dahil sa inis niya.

Nilabas niya ang kaniyang mobile phone mula sa shoulder bag. Tinext niya si Lara. “Humanda ka sa akin bukas, bruha, ka. Masasabunutan kita!”

Agad naman tumunog ang kaniyang phone at binasa ang reply ni Lara. “Hahaha. Chill ka lang, Madam. Bakit sobrang hyper mo? Parang iyon lang ang sinabi ko, galit ka na agad? Hindi ba puwedeng maki-ride on ka na lang sa biruan? Kaya wala kang boyfriend eh, masyado kang seryoso sa buhay. Saka naniwala naman ba si Sir Jc sa sinabi ko? ‘Di ba, hindi naman? Hindi nga niya pinatulan iyong joke ko kanina eh.”

Letse siya! Hindi nga niya pinatulan ang joke ni Lara pero pagkatapos nun ay senermonan ako nang dahil lang sa natuklasan niya na hindi nakapatay ang isang ilaw sa stockroom noong isang araw. Imbes na stockman ang sermunan niya ay ako pa talaga.

“Buwisit din ang Johnny na iyon eh. Pinagbilinan ko na sila sa gagawin nila sa stockroom pero nakakalimutan pa rin. Nadamay pa talaga ako. Buwisit!”

Gigil na pinasok niya sa kaniyang bag ang phone. Hindi na niya ni-replayan si Lara. Bukas na lang sila magtutuos. Makukurot niya talaga sa singit ang baklang iyon.

7pm pa lang naman kaya nagdesisyon siyang maglakad-lakad muna sa mall. Baka sakali bago siya lumabas ng mall ay okay na ang pakiramdam niya. Ite-treat na lang niya ang kaniyang sarili ng malamig at masarap na ice cream.

Papunta pa lang siya sa isang stall ng ice cream ay biglang napadpad ang mata niya sa isang restaurant. Parang hinahatak siya papasok doon.

“Huwag na pala ice cream. Kakain na lang siguro ako ng masarap na pagkain diyan sa loob.” Kaya naman tinungo na niya ang entrance papasok sa loob ng kainan na iyon.

Nang maka-order ay pumunta siya sa sulok para pumuwesto. Habang hinihintay ang kaniyang order ay inabala muna niya ang kaniyang sarili sa facebook. Habang abala siya sa kaniyang cellphone ay biglang lumitaw ang pamilyar na boses.

“Sorry if I keep you waiting.”

Napa-diretso ang likod niya sa pagkakaupo. Para sa akin ba iyon?

Dahan-dahan siyang lumingon sa pinanggalingan ng boses ngunit hindi niya nakita ang taong iyon.

“I don’t need your sorry. I want you to explain me about this.”

Muli na naman siyang napalingon sa kaniyang likuran at ang mahabang buhok ng babae ang siyang unang tumambad sa kaniya. Dahan-dahan niyang sinilip ang kaharap nito sa mesa at napakagat-labi siya nang makompirma niya ang kaniyang hinala. Si Jc nga ang may-ari ng boses na iyon.

Agad siyang bumalik sa pagharap sa mesa. Sakto naman na dumating na ang kaniyang order. Imbes na matakam at pagtuunan ng pansin ang pagkain ay mas naging interesado pa siya na makinig sa pag-uusap ng mga ito.

“What do you want me to explain?”

“This! This picture! You’re wearing a black spaghetti dress, high heels, lots of accessories. You even had a huge make-up. What’s the meaning of this, Juan Carlos?!” Bahagyang nagulat si Alex sa galit na boses ng babae.

“What’s the matter? You said that you’re ready to accept for who I am. And that’s the real me. So, you better accept it if you want to be Mrs. Gonzaga.”

“Damn it, Juan Carlos. Yes, I said that I’m willing to accept you for who you are but this is disgusting. This one is unacceptable! You are gay?! Kailan pa?!”

“Hmmm, since birth I guess.”

“Why you didn’t tell me about this? If only I knew, I won’t choose you to be my future husband. I would rather choose Ariel even he’s baduy and jologs.”

“Why? Because his family is wealthier than my family? Then, go! Marry that guy. I warned you before that you can’t marry me but you still push yourself to me. And here I am now, telling to you that I’m not perfect as what you think because, I like men not women.”

“Ugh! You ruined everything! Our engagement supposed to happen next week.”

“So, what are you planning to do? Gusto mo pa rin ba makasal sa akin kahit na…bakla ako?”

“Eeew! Of course not! I will cancel that engagement party! Baka ikaw pa magsuot ng gown ko ‘no! Adios!”

Naramdaman ni Alex ang pagtayo ng babae. Mukhang nilayasan na nito ang kaniyang boss. Narinig naman niya mula sa kabilang mesa ang mahinang pagtawa ni Jc.

Sige, tawa pa more. Akala mo huh.

Agad niyang sinave ang naging pag-uusap ng dalawa sa recorder ng kaniyang phone.

Lagot ka sa akin, Lara. Ebidensiya pala huh. Humanda ka.

Saka lang niya mas pinagtuunan ng pansin ang mga pagkain na nakahain sa kaniyang harapan. Bigla tuloy siyang nakaramdam ng gutom.