CHAPTER 3

CHAPTER 3

"Hello, everyone!”

Agad na tinigil ng kaniyang mga staff ang ginagawa nang magsalita si Sir Ronwaldo.

“Hi, Sir!”

Sakto naman na may mga sobra pang monoblock sa paligid kaya kumuha ng mauupuan si Sir Ronwaldo at umupo paharap sa kaniyang mga tauhan. Samantalang si Jc ay nanatili na lang na nakatayo at hindi maipinta ang mukha dahil sa nakakabiglang anunsiyo ng kaniyang ama. Ganoon pa man, tila kilig na kilig naman ang kaniyang mga babaeng staff - mas lalo na ang kanilang bading na kasama na si Lara sa pagsulyap sa nakasimangot na si Jc.

Seriously, ano bang mayroon sa kumag na iyon at kung kiligin ang mga ito ay parang mga bulate? Wala akong makitang extra ordinary sa lalaking iyan. Nakakapang-init talaga ng ulo ang Lunes na ito!

“Sorry if I keep you all waiting. So, everyone, I know that since this store opened nine months ago, ito pa lang ang pangalawang pagkakataon na binisita ko itong tindahan. And so far, wala akong makitang problema related to sales and manpower dahil consistent kayong target sa ating quota at mababait ang mga staff ni Alex dito. I’m so happy because the Alabang branch continues the good reputation our company. Hindi man ako regularly bumibisita dito, iyon ay dahil may tiwala ako sa kakayahan ni Alex.” Saglit siyang sumulyap kay Sir Ronwaldo na siyang kinatabingi ng pagkakangiti niya. Hindi niya kasi talaga mahulaan kung ano ang gusto ipahiwatig ng mukhang binatang matanda. “At dahil magaling si Alex sa pag-handle ng tao at store, gusto ko rin ipagkatiwala sa kaniya ang aking anak, si Jc.”

“A-ano po?!”

“W-what?!”

Pakiramdam ni Alex ay dumoble at lumaki ang boses niya nang isigaw niya iyon. Pero nakakapagtaka lang dahil parang nagkaroon din iyon ng English version.

“I’m proudly announce that my eldest son, Jc, will be working with you as your Store Manager starting tomorrow.”

“Dad!” malakas na sigaw ni Jc na kinabigla ng kaniyang mga kasamahan

“Why? Isn’t that great? It’s a good practice so that you will know how to run a business. You will be the next CEO of our company and I want you to be ready when that time come.”

Aba’t! Ang yabang talaga ng hambog na ito. Ganiyan ba siya rumespeto ng magulang? Nagngingitngit sa inis na sigaw ni Alex sa kaniyang isip.

Sinulyapan ni Alex si Sir Ronwaldo na noo’y tahimik lang na nakatingin sa palayong binata. Hindi nakaligtas sa kaniya ang malungkot nitong mukha habang nakatanaw sa anak.

“Sir.”

Lumingon naman ito sa kaniya ng may ngiti sa labi. “Yes, Alex?”

“Sigurado po ba kayo na dito niyo pagtatrabahuhin ang anak niyo?”

“Yes, is there any problem?”

“Ah eh, wala naman po, Sir. Inaalala ko lang po ang inyong anak at ang mga staff ko. Halata po kasi kay Sir Jc ang pagtutol nang sinabi niyo iyon. Bakit nga naman siya magtatrabaho na kasama kami dito sa store kung mapa-practice naman niya ang inyong negosyo kahit sa main office ng Sharco Corporation siya magtrabaho?”

“Ma’am Alex, h’wag niyo naman ipagtulakan si Jc palayo sa’min. Ito na ang pagkakataon namin na makasama siya rito kaya pumayag na po kayo,” singit ni Melanie.

Pinandilatan niya ito ng mata nang makita niya ang kaniyang mga babaeng staff na nagsusumamo na pumayag na siyang makasama si Jc sa trabaho. Para namang may kontrol siya sa puwedeng mangyari eh 'di hamak na empleyado lamang siya ng kompanyang pagmamay-ari ng pamilya ni Jc.

“Sir Ronwaldo, dito na lang po sa amin si Sir Jc. Mababait po kami dito kaya hindi po kayo magsisisi kung dito magte-training si Sir Jc.” Hindi siya makapaniwala na ang kanilang encoder na si Lorraine na tahimik lang ay may tinatago rin palang kalandian sa katawan.

Bakit ang dami naman yata nahuhumaling sa hambog na iyon?

“Don’t worry, he don’t have any choice but to accept my orders. Kailangan niya ito kung interesado talaga siya na maging CEO ng Sharco Corporation.”

“Se-seryoso…Sir?” Hindi niya talaga mapaniwalaan na makakasama niya sa trabaho ang taong iyon na sobrang kinaiinisan niya. Hindi pa rin kasi siya maka-move on na pinagkamalan siya nitong Janitress. Masyado siyang maganda para maging Janitress lang ‘no.

“Yes, I am. As what I’ve said earlier, magaling ka mag-handle ng tao at tindahan. Tiyak na marami siyang matututunan sa iyo kaya gusto ko ipagkatiwala sa’yo ang aking anak. Sana ay tulungan mo siya, Alex.”

Sino naman siya para tumanggi?

H’wag kayong mag-alala, Sir Ronwaldo, pahihirapan ko lamang po ang inyong anak. Gagawin ko siyang Janitor dito sa tindahan niyo. Hahaha!

Para namang kaya niya gawin iyon?