Fourteen

Mally

"Anong oras na?" Napatigil ako sa pagpasok nang marinig ko ang boses ni tatay.

"8 po." Kagat-labi kong sagot sa kaniya.

Diretso lamang ang tingin nito sa tv at napakaseryoso niyon.

"Uwi ba ng matinong babae iyan?" Natigilan ako sa sinabi niya.

Ito ang unang beses na pinuna niya ang uwi ko.

"Po?"

"Noong una pinagbibigyan lamang kita ngunit tila sunod-sunod naman na ata? Abusado ka na masyado. Tandaan mo, 16 ka pa lang, Mally. Umayos-ayos ka!" Hindi ako makasagot sa sinabi nito dahil ito ang unang beses na pinagalitan niya ako sa pag-uwi ko ng gabi.

"Hayaan mo na mag-enjoy ang bata, Andy." Biglang labas ni nanay sa kusina upang sabihin iyon. Nakayuko lamang ako, iniiwasan na tignan siya.

"Hayaan? At ano?! Hayaan kong magaya sa iyo?! Mabuntis ng maaga, ganoon ba?!" Sigaw ni tatay kaya napaatras ako agad at napatingin sa kaniya.

Galit na galit ang itsura nito. Kinuha na lamang niya ang remote at pinatay ang tv. Padabog niyang nilisan ang sala at pumunta sa kanilang silid.

"Hayaan mo na si Andy, anak. Huwag mo na lamang siya pakinggan." Maikling ngiti ang pinakita nito. Bakas sa mukha niya ang lungkot sa mga sinabi ni tatay. Niyakap ko na lamang ito bago pumanhik sa kwarto.

Hay!

Jeya Aclado

Girl? Pinagalitan ako ni tatay. Baka hindi na tayo makakagala pa.

Imbes na magreply siya sa message ko ay tumawag ito.

"Nangangamoy umuusok na toro at sunog na manok ah?"

Kita mo 'to! Nakuha pang magbiro. I rolled my eyes on what she said.

"Tungaw! Seryoso kasi! Hindi na tayo makakagala pa—"

"Kailan ka ba sumunod?"

Ay putcha!

"Baka ngayon lang," sarcastic kong sabi sa kaniya. "Alam mo naman na iba na sitwasyon namin ngayon eh."

"Oh tapos?"

"Argh! Ewan ko sa'yo! Dapat si Dey na lang pala ang tinawagan ko! Wala kang kwenta kausap!"

"Aray, girl ha? Super hard! Galit na galit?" Nagawa niya pa tumawa sa kabilang linya kaya pinatay ko ang tawag niya.

Maya-maya tumawag muli ito.

"Oh, ano na naman? Mang-aasar ka?"

"Ikaw naman! Masyado kang highblood," she laugh hard hanggang sa malagutan siya ng hininga at ayon see you sa kaniyang burol. "Girl, huwag mo muna ako patayin! Sakalin kita eh! Rinig na rinig ko ang inner thoughts mo eh! Easy ka lang. Ganito na lang, huwag na muna tayo gagala ng mga ilang araw tapos go na ulit."

"Nice! Galing talaga ng utak mo," nakasimangot kong saad. Kahit hindi niya ito nakikita pakiramdam ko ay alam niya ang itsura ko ngayon dahil muli siyang tumawa.

"Oh, bakit? Ayaw mo ba ng idea ko? Kaysa si Dey ang tanungin mo eh, mas walang kwenta iyon kausap." Napatango ako ng ilang beses na akala mo ay kaharap ko lang siya.

"Oh, whatever! Bukas na lang natin pag-usapan. Tulog na ako, goodnight!" I end the call without hearing her saying anything. Tiyak kong magagalit iyon sa akin bukas. Bahala siya.

"Mally! Paano na iyan? No more gala na tayo nito!" Pagdradrama sa akin ni Dey nang makarating ako sa iskwelahan.

Hindi ko sinagot ang sinabi niya. Iba ang napuna ko dito, "Himala! Ang aga mo!"

Napasimangot naman siya at binatukan ako. Bakit ba ang hilig nila mambatok? Nakakainis na eh? Napanguso na lang ako at hinimas ang parte na binatukan nito.

"Ano ng plano?" Bumuntong-hininga muna ako bago siya sinagot.

"Edi ayon nga, no more gala's muna tayo."

"Ah! Ayoko nito," sabay dukdok ni Dey sa lamesa. Napailing na lang ako at hinayaan siya magdrama.

"Hoy! Gala tayo mamaya!" Agarang aya ni Jeya pagkapasok pa lang sa pintuan.

"Ha ha ha, funny!" Napairap ako dahil sa inasal nito.

"Ops! Hindi ka kasama siyempre!" Ngumiti ito ng nakakaloko kaya tumayo ako upang habulin ito.

"Bwesit ka talaga kahit kailan, Jeya! Madapa ka sana!"

Humarap lang siya sa akin at dumila. Hindi niya napansin ang babaeng sasalubong sa kaniya kaya pagkaharap niya ay siyang pagbunggo nito sa babae at parehas silang natumba.

OH MY GOD! Muntik pa silang magkiss! Ang dami kong tawa nang makita kong agad-agad na nilayo ni Jeya ang mukha niya sa nakabungguan.

Sinenyasan ko rin si Dey na lumabas para makita ang nangyari kaya dalawa na kami ngayon ang tumatawa.

Nang makatayo ito ay para siyang tinakasan ng kaluluwa sa naging itsura niya. Ngunit pilit niyang hinarap ang nakabungguan at nagsorry.

Nahihiyang tumango lang din sa kaniya ang babae at tumakbo sa gawi namin. Oh? Sa kabilang section pala siya.

"Nice! Matalino ang nabingwit mo. Tomboy ka na pala ngayon?" Nang-aasar na sabi ni Dey sa kaniya. Nakasimangot itong lumakad papasok sa room at hindi pinansin ang sinabi ni Dey.

Nagkatinginan kaming dalawa at umiling na lang sabay nag appear.

"1 point for Mally!" Natatawa kong sabi nang madaanan ko ang upuan niya.

Ngunit tila hindi parin ito nakakalimot sa nangyari dahil tulala pa rin ito.

Oh no!

I thought hindi niya makalimutan ang nangyari sa kaniya! May binabalak pala siyang masama. Hindi ko napansin ang naka stretch nitong paa dahil busy ako sa pang-aasar sa kaniya. Ang ending ko ay napatid ako at maglalanding ako!

No way!

"Woah!" Sigawan ng mga kaklase ko nang masubsob ang mukha ko sa isang matipunong katawan.

Agad kong inangat ang tingin ko at nang makita ko kung sino ito ay mabilis kong nilayo ang sarili at tinago ang dalawang kamay sa likod ko.

"Okay ka lang?" May pag-aalala sa tono ng pagtatanong nito. Tumango na lang ako bilang tugon at nahihiyang niyuko ang ulo at tumalikod.

"Oy! Hindi ka manlang ba magpapasalamat, Mally?" Malakas na sabi ni Jeya. Ah? More like sigaw. Bwesit na babaeng ito!

Umikot ako paharap at sinamaan siya ng tingin bago tinignan ang siyang nasa harapan ko pa rin.

Maliit na ngiti ang binigay ko dito at, "thank you!" Ngumiti lang siya at marahan na tumango.

Nanatili lamang ang tingin ko dito at ganoon din siya kung hindi lang may sumundot ng tagiliran ko, kung saan may kiliti ako ay hindi pa maaalis ang tingin ko dito.