Kabanata 16

Kabanata 16: Pick A Partner

CLARRISE POINT OF VIEW

Hindi na kami gaanong nakapag usap pa ng mga bago kong kaibigan ngayong araw. Dahil narin sa usapan naming, hindi masyadong magpapahalata.

Mga bagong kaibigan?

It's funny right?

Dahil pagkatapos kong tanggihan ang tulong ni Denver ay mas marami naman akong hiningan.

Ewan ko ba.

Katulad nga kasi ng sinabi ko kahapon sa clinic ay meron akong kakaibang nararamdaman patungkol sa kanilang lima. Which is I, also need to find out. And while finding answers, first I need to hangout with them. Hindi ko naman gustong mapahamak sila e. Kailangan ko lang talaga ng sagot.

Para kasing may part din ng pagkatao ko ang nagtatanong kung bakit pamilyar sa akin ang mga babaing iyon. Kahit dito lang naman sa school na ito kami nagkita kita.

I bet they feel that too.

Para kaming mga dati ng magkakaibigan na bigla nalang nagkaron ng amnesia. Bukod sa isa't isa ay wala na kaming iba pang nakalimutan.

Could that be possible? Meron bang ganon?

Iyong magkaka amnesia ka tapos ilang alaala mo lang ang mabubura? Haha. Funny. Ano ba naman kasi ang iniisip ko.

"Ok interns. I'm your P.E. couch. Ito ang una nating pagkikita kaya naman magpapakilala muna ako sa inyo." Dahil nasa likurang bahagi ako ng gymnasium ay kinailangan ko pang isingit ng bahagya ang ulo ko para makita ang nagsasalita sa harapan.. "Just call me Professor Mateo." Pakilala pa nito.

Nakasuot ito ng jogging pants na kulay black, katulad namin at isang simple puting tshirt na fitted sa katawan niya. And yes, he's hot. Dahil narin siguro sa pagiging PE teacher niya ay napaka-fit ng katawan niya.

"Wow ang yummy niya." Tila kilig na kilig na namilipit si Shanna. Nasa unahan ko lang ito kaya kitang kita ko ang pangingisay niya. Pangingisay na dala ng kalandian niya.

Psh. Hindi ko siya gusto. Bakit? Dahil haliparot siya! Nakita ko lang naman silang magkasama ni Denver kahapon. Wala naman akong pakialam ok, pero nakakainis lang kasi ang ginagawa niyang pag-pulupot sa braso nang mokong na iyon e. Para siyang sawa kung makalingkis. Nagmumukha tuloy siyang pokpok.

Aba! At iyong Denver namang iyon. Naku. Tuwang tuwa naman sa atensyon na binibigay sa kaniya ni Shanna. Mukha nakalimutan niya na ang panganib na naghihintay sa amin sa lugar na ito.

Ughhhh. Nakakainis!

Napaka walang kwenta rin ng Denver na iyon e. Porket sinabi ko lang na tigilan niya na ako ay hindi na nga siya lumapit sa akin. Psh! Pwes magsama sila ng maharot na Shanna na iyon. Bagay lang sila.

"You." Nagtaka ako ng bumaling ng tingin sa akin ang mga kaklase ko. Itinuro pala ako si Sir Mateo.

"Po?" hindi pa siguradong tanong ko.

"Pick a partner." Utos nito.

Teka. Ano bang meron? Ba't kailangan ko ng partner?

Kahit medyo nalilito ay lumingon parin ako kay Denver. Siya kasi ang unang pumasok sa isip ko e. Pero dahil nasa tabi niya lang si Shanna ay mabilis din akong nag-iwas ng tingin. Balak ko pa naman sana siyang ituro. Pero dahil ayokong makagulo sa love story nila ay si Sanzo nalang ang itinuro ko.

"Siya nalang po." ani ko.

Ngumiti naman si Sanzo. Nagtaas pa ito ng kamay at lumapit sa akin.

"Ok. Kayo ang magiging pair A." Sabi ni sir tapos ay muli itong humanap ng estudyanteng ituturo. "Ikaw naman Mr. Villacorta? Humanap karin ng ka-partner mo." Nilingon ko ang sumunod na itinuro ni sir.

Si Quartz iyon. Nakakunot ang noo nito.

"Sir?" Sabi pa ng binata.

"Don't waste my time Mr. Villacorta! Time is precious. At kung hindi mo susundin ang inuutos ko ay bibigyan kita ng masamang review. You know, Lady Vhern would be so disappointed." Sabi ni sir.

Napakamot ng ulo si Quartz. At naiiling na itinaas ang kanang kamay.

Sinundan ko ng tingin ang itinuro niya. Si Kyra. Napanganga ang dalaga. Hindi nito inaasahan ang lahat. Mukhang hindi nya rin nagustuhan ang pagkakaturo sa kaniya ni Quartz kaya agad siyang nag reklamo.

"Bakit ako?" ani Kyra.

"At bakit hindi? Pumunta ka na sa partner mo!" Utos agad dito ni Mr Mateo. "Kayo na ang magiging pair B."

"Ah sir. I dont think its a good idea. Ughhh. Alam ninyo po kasi, uhm. May konti kaming hindi pagkakaunawaan ng lalaking iyan e. So baka po hindi namin magawa ng maayos ang ipapagawa ninyo. Mabuti pa po, iba nalang ang i-partner ninyo sa kanya." paliwanag pa ni Kyra.

"Then make it up now. BNothing will change my mind Ms. Fuentez, kaya kung ano man yang LQ na pinagdadaanan ninyo ay mabuti pang ayusin ninyo na iyan. And besides, Quartz chooses you."

"Pero sir. Wala naman pong—"

"I said make it up now!" Medyo sigaw ni sir sabay talikod. Pinagala ulit nito ang tingin sa lahat ng kasama naming estudyante.

Pinagpares pares niya kaming lahat.

Clarrise & Sanzo

Pagkatapos ay pinagtapat tapat niya ang bawat pares.

"Ok, this is only a friendly game. Pero alam kong pagbubutihin ninyo ito, dahil ang mananalo ay makakakuha ng premyo." Sabi ni sir. May kinuha itong supot. Mga itlog ang laman ng supot na iyon. Binigyan niya ang bawat pares ng tig-isang itlog.

"Wow sir, ano pong premyo?" Excited na tanong ni Nilo.

"Kasagutan."

Kasagutan? Kasagutan saan?

Napatitig kaming lahat kay sir Mateo. Halatang na curious din ang mga kaklase ko sa sinabi niya.

"Kasagutan para po saan po sir? Sa magiging exams namin?" Natatawang tanong ni Paloma.

"Anything." Makahulugang sambit ni sir Mateo.

"Kahit ano? Talaga po? Aba maganda iyan a." Masayang tili ni Shanna.

Kasagutan sa kahit na ano?

Pwes kailangan kong manalo dito. Dahil baka may alam siya sa nangyari sa kuya ko.