Chapter 6

Ngayon ko lang napansin na nasa sahig na pala ako nakatulog dahil sa pagkakaiyak ko kagabi. Bumangon na ako at pinagpagan aking damit. In-open ko ang phone ko at napansing 7:30 am pa lang ng maaga.

Hapon pa ang pasok ko. Buti na lang at walang assignments ngayon. Nag-timpla ako ng kape at umupo sa higaan ko.

Iniisip ko pa rin ang nangyari kagabi nang babaan ako ng phone ni Jad. Akala ko ay makikinig na siya sa akin kagabi.

Masyado ba akong madaldal at binabaan niya ako ng tawag?

May nasabi ba akong masama na nakasakit sa damdamin niya kaya niya ako binabaan ng tawag?

Haayy! Hindi ko na alam.

Nag-simula na namang tumulo ang luha ko. Pinunasan ko ang mga luhang hindi tumitigil sa pag-tulo.

Kailangan kong lakasan ang loob ko. Kailangan maging matapang ako!

Knock! Knock!

"Pasok."

Pumasok si Kaira at Justine sa loob ng kwarto ko.

"Bakit?" Pauna kong tanong sa kanila.

"Kaya mo bang maiwan ka muna namin dito ng mga anim na buwan?" Ani ni Kaira na nagpakunot ng noo ko.

"Ang tagal naman. Bakit anong gagawin niyo?"

"Uhmm... Kase kailangan muna naming bumalik sa mga magulang namin sa probinsya. Anim na buwan kasi siyempre mag-iilang taon na din kaming hindi nakakabisita sa mga magulang namin kaya susulitin na namin. Pero Hazielle, 'wag ka mag-alala nag-imbak na kami ng mga pagkain mo diyan, marami-rami iyon kaya kakasya na sa iyo iyon ng anim na buwan o baka sobra pa nga sa 'yo kasi di ka naman masyadong kumakain." Pagbibiro ni Justine.

Nagbigay ng puting sobre si Kaira na lalong ipinagtaka ko. Sinuri ko ang laman ng sobre.

"Anong laman nito?"

"Pera ang laman niyan Hazielle, pambayad sa tubig at kuryente saka sa mga school projects mo. Inipon namin iyan para sa iyo." Ani ni Kaira.

"Nako salamat ahh! Salamat din at pinatuloy niyo ako dito sa bahay niyo." Sabi ko sabay yakap sa kanilang dalawa.

"Ma-mi-miss ka namin Hazielle! Aalis na kami ngayon! Sorry kung ngayon lang namin nasabi, dapat sana kagabi kaso naririnig naming umiiyak ka kaya hindi ka na namin inabala pa." Sabi ni Kaira at kumalas na sila sa pagkakayakap sa akin.

Sinamahan ko silang bumaba at nakita ko sa labas na may nakaparadang tricycle doon. Niyakap ulit nila ako at nagpaalam na aalis sila.

Sila ang itinuturing kong kaibigan dito. Lumayas kasi ako sa amin nang malamang naghiwalay sina mama at papa.

Buti na lang at nakita nila ako na pagala-gala, kaya inanyayahan nila ako dito sa bahay nila na dito muna tumira.

Dito na ako tumira kina Kaira at Justine hanggang sa mag-dalaga ako. Nalaman ko na lang na pinaghahanap na nila akoang nang malamang Missing na pala ako.

Ilang buwan ang nakalipas nang idineklara na lang nila akong 'patay'.

Nalaman ko na lang na nangibang-bansa si mama at si papa naman ay sumama na sa bago nitong pamilya noong bumalik ako sa bahay at sinabi sa akin na naghiwalay sila.

Kung tunay ko talaga silang magulang, hindi sila titigil hangga't hindi ako nahahanap.

Pero wala, ginawan pa nila ako ng kwento. Napakamalas ng buhay ko. Iniwan na nga ako ng kaibigan ko, iniwan na rin ako ng magulang ko.

Naiingit ako kina Kaira at Justine, buti pa sila may pamilyang mauuwian.

Si Kaira at Justine ay matalik na magkaibigan. Simula bata pa daw sila ay lagi na silang magkasama. Taga-probinsya sila at lumuwas dito sa Maynila para magtrabaho.

Nagsumikap sila at sabay nilang nakakamit ang pangarap nila. Sa tuwing umuuwi sila galing trabaho ay binibigyan nila ako ng pera.

Hindi ko alam ang dahilan pero napakabait nila sa akin, ni-hindi sila nag-away dahil sa akin. Tanggap na tanggap nila ako dito sa bahay nila.

Sa mga binibigay na pera nina Kaira at Justine, ay nakaipon ako ng maraming pera. Kaya napagpasiyahan kong mangibang-bansa at sundan si Mama.

Alam ko kung nasaan siya ngayon tumitira.

Doon sa bahay ng tita ko, nalaman ko iyon dahil sa pinsan ko, sinabi ko sa kanya ang lahat-lahat na lumayas ako sa bahay namin at pinaghahanap nila ako at idineklara na lang akong patay dahil hindi na talaga ako makita.

Iyak pa rin nga daw ng iyak si mama noong nasa ibang bansa siya kasi hindi na niya nakikita ang unica-ija niya.

Si mama ay nanatiling walang asawa nang dahil kay papa. Mahal na mahal niya si papa kaya hindi niya nagawang mag-hanap ng iba.

Pero si papa, nag-hanap pa rin ng iba, ewan ko ba kung bakit niya ginawa iyon.

Maasikaso si mama, maganda,masipag lahat-lahat na pero naghanap pa rin ng iba si papa.

Nakita ko ang mukha ni mama na nasa ibang bansa, imbis na mag-mukha siyang matanda, ay parang bumalik siya sa pagka-dalaga niya.

Ano kaya ang magiging reaksyon niya kapag makita niya ako? Feel ko, magagalit siya sa akin kasi hindi ako nagpakita sa kanya noong mga araw na pinaghahanap nila ako.

It is already 9:25 am, napag-pasiyahan kong maligo na at maghanda ng gamit dahil may pasok pa ako.

Nasa room na ako at nag-umpisa na ang klase namin.

Dito sa room, wala akong maituturing na kaibigan dito. Ni-isa sa kanila wala akong close, okay na sa akin ang nakaka-usap sila minsan.

Oras na ng recess namin at napag-pasiyahan kong pumunta sa canteen at bumili ng pagkain. Nag-hanap ako ng mesang mapag-kakainan ko nitong binili kong pagkain.

Kumain ako mag-isa habang tinitingnan ang mga istudyanteng naroroon. Ang ilan sa kanila kasama ang mga kaibigan nila at masayang kumakain.

Sa gitna ng pagtitingin-tingin ko sa mga istudyanteng naroroon ay nagulat na lang ako nang may istudyanteng lumapit sa akin at inilagay niya ang dala niyang pagkain sa mesa ko at umupo sa harapan ko.

"Bakit mag-isa ka lang diyan? Asan na si Jad?" Tanong niya sa akin. Napaharap ako sa kanya at tiningnan ko ang mukha niya.

Tinitigan ko lang siya at pinag-aralan ko ang mukha niya. Nakilala ko na ba ito dati?

"Oh, sorry baka hindi mo ko maalala, ako nga pala si Joren kaklase mo dati noong Grade 7 pa tayo. Ako yung nagka-crush sa iyo." Pagpapakilala niya sa sarili niya.

Tinaasan ko lang siya ng kilay at kumagat ng sandwich.

"So?"

"Ahhh, naaalala mo na ba ko?"

Umiling ako. Sa totoo lang, kilalang-kilala ko itong kumag na ito. Naalala ko nang muntikan na niya akong mahalikan noon buti na lang at itinulak siya ni Jad at sinampal siya ng malakas.

"Talaga? Ano pa ba ang gagawin ko para maalala mo ko?"

Hindi ko lang siya pinansin at itinuon ko ang pansin ko sa pagkain ko.

"Hays! Ahh by the way, sasama ka ba sa outing natin?"

"Pag kasama si Jad."

"Diba nag-away kayo nun dahil kay--"

Hindi na natapos ang sasabihin niya dahil sinamaan ko siya ng tingin.

"Sorry. Sasama ako pag kasama ka, Haze." Ani niya at hinawakan ang gilid mukha ko at hinaplos ito.

Inalis ko ang pagkakahawak niya at akmang sasapakin.

"Hindi ka pa rin talaga nag-babago." Sabi ko sa kanya.

"Ikaw Haze, nag-bago ka. Dati, si Jad na lang lagi ang nagtatanggol sa iyo sa tuwing may umaaway sa iyo."

"Bakit bawal na bang depensahan ang sarili ko at hahayaan ko na lang na basta-basta mo ako hahawakan?"

"Hindi naman... Ahhh aalis na ko may klase pa kami, see you later after class." Ani niya at umalis sa harapan ko.

Inubos ko na ang kinakain ko at bumalik sa room. Pagka-balik ko ay nakita ko na naman si Joren na nasa gilid ng pintuan. Sino kaya ang inaantay nito?

"Oh! Andyan ka na pala. Pwede ba kitang ligawan? Break na ba kayo ni Macky?"

Hindi ko siya pinansin at dire-diretsong pumasok sa loob ng room. Wala akong balak na magpa-ligaw diyan sa kanya.

Oo aaminin ko, gwapo siya at mayaman yun lang pero 'di siya nag-aaral nang mabuti.

Kung ako sa kanya, hindi na ako mag-aaral pa at magpapakasarap na lang sa bahay.

Buti na lang at umalis siya nang makita siya ng teacher namin na nakatambay sa harap ng room namin. Akala ko doon lang siya hanggang uwian eh.

Nag-umpisa na ulit kaming mag-klase.

Uwian na at nagmamadali akong iligpit ang mga gamit na nakakalat pa sa desk ko.

Nang maayos ko ay mabilis akong lumabas sa room at mabilis na naglalakad.

Lakad-takbo ang ginagawa ko para hindi niya ako maabutan.

Sa wakas, ay nakauwi na ako sa bahay at hindi na niya ako naabutan pa kaninang uwian.

Nasa kwarto na ako ngayon at nagbibihis. Nang matapos ako magbihis ay naghanda na ako ng makakain ko.

Habang kumakain ako ay nag-bukas ako ng selpon at nakita kong maraming messages sa group chat namin.

ShelBabes:

Jon my BABY:

Benedict:

ShelBabes:

Jon my BABY:

Macky: