Chapter 7

Jadhrie's P.O.V

Nagising ako sa nakakairitang ingay sa labas. Iminulat ko ang aking mga mata at bumangon. Sumilip ako sa bintana at hinanap kung sino ang gumagawa ng ingay sa labas.

Mayroong mga tao na nagkakabit ng mga karatula sa labas. I check the time on my phone, it was already 4:30 am in the morning. Ang aga-aga pa bakit nagkakabit na agad sila ng karatula sa labas?

May pasok pa pala ako kaya dumiretso na ako sa cr at naligo. Nang matapos ako ay bumaba na agad ako. Pagkababa ko ay nakita ko na agad si mommy at daddy na bihis na bihis. Saan kaya sila pupunta?

"Mommy saan kayo pupunta?"

Tiningnan nila ako at nilapitan ako ni Mommy at niyakap. "Ma-mi-miss ka namin, Baby Girl." Kumalas na sa pagkakayakap si mommy at pinagtuunan ng pansin ang mga gamit na dadalhin nila.

"Baby Girl, maiiwan ka muna namin dito ng ilang months. Pupunta kami sa Baguio may camp training kami doon." Sabi ni Dad habang inaayos ang damit niya.

Camp training tapos bihis na bihis sila?

"Eh bakit po bihis na bihis po kayo kung mag-ka-camp training kayo?" Nagtataka kong tanong sa kanila.

Nagkibit-balikat lang sila. Bahala sila basta sisiguraduhin nilang may pera silang iiwan sa akin.

"Aalis na kami anak, oh by the way, may cash dun sa cabinet mo nilagay namin dun. Nasa mga Fifteen Thousand iyon don't worry dahil iniwan ng daddy mo ang isa niyang debit card. If ever na maubos ang pera mo dun ka na lang kumuha ng pera mo okay?" Sabi ni mommy at naglakad na sila papunta sa kotse.

"Bye baby girl! Ma-mi-miss ka namin!" Pagpapaalam ni Dad sa akin at napatango na lang ako.

"Alis na rin po ako!" Sabi ko at inunahan na silang lumabas sa gate.

Nasa room na ako at nag-uumpisa ng mag-lesson ang teacher namin. At dahil favorite subject ko ang Math, nakikinig ako ng mabuti sa kanya.

Recess na namin at hindi ko muna naisipang kumain. Nawawalan pa ako ng gana, ewan ko ba. So, I decide to read my book. Sa gitna ng pagbabasa ko may kumalabit sa akin. Napatungo ako sa kanya at tiningna siya ng mabuti.

"Hi! Uhmm Alfred Brajo." Pagpapakilala niya sa sarili niya at inilapat niya ang  kaliwang kamay niya sa akin.

Tiningnan ko ang palad niya. "Uhmm sorry hindi ako manghuhula."

Napabuntong hininga siya at ibinalik ang kamay niya sa bulsa niya. Kumuha siya ng upuan at iniharap sa akin at doon siya umupo.

"Bakit nag-iisa ka lang diyan?"

Itinuon ko lang ang pansin ko sa pagbabasa ng libro. Ramdam ko na nakatitig lang siya sa akin. "Can you please stop that kind of look! Kung ako sa iyo, hindi ako mang-iistorbo ng iba at maghahanap na lang ng mapaglilibangan." Banggit ko sa knya habang nakatuon pa rin ang pansin ko sa pagbabasa ng libro.

"Ito na nga ang mapag-lilibangan ko."

Ramdam ko pa rin na nakatitig siya sa akin.

Lalo pa siyang lumapit sa akin. Napansin kong pinagtitinginan ako ng mga kaklase ko. Hindi na ako nakapag-pigil ay umalis ako sa inuupuan ko. Naiinis ako kapag pinapakialaman ako.

Bago pa ako makaalis ay nahawakan na niya ang braso ko at hinila niya ako papalapit sa kanya. Lalo akong nainis sa kanya kaya pagkahila niya ay sinampal ko siya ng malakas. Narinig ko ang pagkagulat ng mga kaklase ko sa pagkakasampal ko sa kanya.

"Sinabihan na kita na umalis ka na sa harapan ko kasi wala ka namang kailangan sa 'kin!!" Sigaw ko sa kanya.

Binitawan na niya ako at bumalik sa inuupuan niya. Alam kong crush siya ng mga babae dito sa school pero kung may gusto siya sa 'kin, mas mabuti pang lumayo-layo na siya.

Bumalik na ako sa pagkakaupo at muling nag-basa ng libro.

Uwian na namin at dire-diretso akong lumabas sa room. Alam kong pinag-titinginan ako ng mga kaklase kong babae dahil nga sa nangyari kanina. Ako lang ang walang pakialam sa lalaking iyon.

Nasa bahay na ako at hindi ako sanay na tahimik ang buong bahay. Pumasok na ako sa kwarto ko at pabagsak na humiga sa higaan ko.

I open my phone at nakita kong maraming mga nag-cha-chat sa group chat namin. Binasa ko ang mga chat nila ang ilan ay inaalala lahat-lahat ng mga kalokohang ginawa nila noong Grade 7 pa lang kami.

Nakaka-boring kapag tapos na ang klase sa isang araw. Lahat na ng mga assignments namin ngayon tinapos ko na sa school ng walang kahirap-hirap.

Dapat pala hindi ko na ginawa sa school para may mapag-lilibangan ako ngayon.

Narinig kong kumukulo ang tiyan ko, hindi pala ako kumain kaninang recess.

Nakakasawa na kasi ang mga pagkain doon sa school. Bumaba ako at nag-puntang kusina, naghanap ako ng makakain. In-open ko ang ref at nakita ko ang malaking cake doon.

Natakam ako kaya kinuha ko ang cake sa ref at agad na nilantakan ito. Wala naman sigurong makakaalam na kinain ko ito, saka wala na rin naman si mommy at daddy kaya uubusin ko na ito.

"May biniling cake si mommy dito sabi niya ubusin ko daw eh kaso malaki 'yon kaya hindi ko muna kinain. Tara kainin natin iyon." Yaya sa akin ni Haze.

Nasa kwarto kami ni Haze at ginagawa namin ang pairing project namin para sa subject namin sa science.

Mas pinili kong si Haze ang magiging ka-partner ko kaysa kay Mack. Wala lang, mas gusto ko talagang magka-sama kami sa project na ito kasi magaling sa Science itong si Haze.

Sa Math naman ako, kapag may hindi siya gaanong maintindihan sa Math ako kaagad ang nilalapitan niya.

Kinuha ni Haze ang cake sa ref nila at kumuha ng dalawang tinidor.

"Bakit walang plato?"

"Hayaan mo na, bigay na din naman sa akin ito ni mommy saka kaya naman siguro nating maubos ito."

Nilantakan na namin ang cake, ang sarap ng cake ngayon lang ako nakatikim ng ganitong kasarap na cake.

"Kapag ako yumaman, kakain talaga tayo ng maraming cake." Sabi ko sa kanya habang lumalantak ng cake.

"Pangako iyan ah, saka sama mo na din yung Dark Chocolate Ice Cream sarap nun!"

"Promise Haze, ililibre agad kita."

Naalala ko na naman si Haze. Kamusta na kaya siya?

Naalala ko na naman noong tumawag siya sa akin habang umiiyak.

Nangalahati na ang cake at naramdaman ko ng busog na ako kaya binalik ko ang cake sa ref at uminom ng orange juice na nasa ref.

Ito siguro yung kinain ni mommy at daddy bago sila umalis papuntang Baguio.

Hays! Na-mi-miss ko na sila kaagad. Sana okay lang sila ngayon sa Baguio.

It's already 2:00 pm at napagpasiyahan kong lumabas, alam kong mainit pero wala lang gusto ko lang talagang lumabas.

Pagkalabas ko ay gumulantang sa akin ang malaking karatula na nasa labas. Ito siguro ang kinabit ng mga manggagawa kanina.

Pinatitigan ko ang malaking karatula na nasa na nakasabit sa taas ng poste sa harap ng bahay namin.