Six

Mally

"Happy?" Tumango lang ito at mababakas ang tuwa sa kaniyang mukha nang matapos ang laro nila.

"Dey happy. H-A-P-P-Y! DEY HAPPY!" Tinaas niya ang dalawa niyang kamay at winagayway ang hawak na bimpo.

"Pwe! Ang baho ng bimpo mo Dey!" Reklamo ng isa ko pang katabi sa kaniya.

Ngumiti lang siya ng malawak na parang may binabalak. Tumingin siya sa akin at kumindat dahil doon ay alam ko na ang gusto niyang mangyari.

Bigla kong hinawakan ang magkabilang kamay ni Jeya at si Dey naman ay pinunas niya pa sa kili-kili niya ang bimpo at inamoy. Nang masatisfied siya sa sarili niyang amoy, pinunas niya ito sa buong mukha ni Jeya at pagkatapos tinigil sa parte ng ilong at doon nginudngod.

Ouch! Poor Jeya!

Nang tapos niya na gawin ang gusto niya ay inalis na niya ang bimpo sa mukha nito at binitawan ko na rin siya sabay takbo.

"Bilisan mo Dey! Kakainin tayo ng aswang!" Sigaw ko at mabilis na tumakbo.

Tapos na rin naman ang PE namin kaya pwede na kami bumalik sa classroom.

"Hintayin mo ako Mally! Ayoko pa mamatay!" Tili niya.

"Go Jeya! Go! Go! Go!" Hinarap ko ang parte kung saan kami nakaupo kanina. Tulala parin ito kung hindi lang siya kinalabit ng isa naming kaklase at tinuro kami.

Masama ang binigay niyang tingin sa amin. Pagkatayo pa lang nito ay siya ulit pagtakbo namin ni Dey.

"Mally for the win!"

"Dey for the second!"

"And Jeya for the lose!"

Sabay naming sigaw nang makarating kami sa locker.

"Wala kayong hiya! Wala kayong modo! Wala kayong awa! Mga walang hiya kayo!" Sigaw ni Jeya sa malayo at dahil hindi lang kami ang nasa loob tumingin din sa gawi niya ang iba naming kaklase at tumawa dahil sa itsura nito.

Hindi naman mataba si Jeya. Sakto lang pero ayaw niyang tumatakbo kasi masakit daw sa dibdib kapag umaalog. Mapapasana all ka na lang sa mayroon siya.

Edi ikaw na ang pinagpala! Kami na ang hindi!

Nang makalapit ay mabilis kong hinarang ang braso ko sa harap niya para makaiwas sa batok pero ang isa kong kasama hindi nakapaghanda kaya malakas na batok ang natamo niya mula kay Jeya.

Double ouch!

"Ang sama ninyo! Hinding-hindi ko kayo kakausapin!" Inirapan niya kaming dalawa bago pumunta sa pwesto ng locker niya.

"Sure ka dyan ah?" Tanong ko sa kaniya.

"Oo!" Hindi daw kakausapin pero sumagot.

"Sure na sure ka na talaga?" Ulit na tanong ni Dey sa kaniya.

"Oo nga sabi!" Sabay kaming tumawa ni Dey nang marinig namin itong sumagot.

"Sige! Sabi mo iyan ha? Una na kami ni Mally!" Sabay hatak sa akin ni Dey at muli kaming tumakbo nang makuha na namin ang pamalit.

"Punta tayo sa pinuntahan niyo ni Jeya, Mally!" Nakangusong saad ni Dey.

Dahil walang teacher sari-sarili kaming mundo.

"Sige lang." Maikli kong sagot sa kaniya at pinagpatuloy ang ginagawa ko.

"Ano na naman ba ang ginagawa mo?" Sinilip niya ang notebook ko.

"Tumatae ako sa notebook." Pabalang kong sabi sa kaniya. Hinablot naman niya ito at binasa ng malakas.

Sira talaga!

Hinayaan ko na lang dahil siya naman madalas ang nagbabasa ng mga tula na nagagawa ko.

"Ang pangit ni Dey!

Hindi ko mapigilan ang tumawa ng malakas nang sabay na tumingin sa akin ang dalawa. Para akong papatayin ng mga ito gamit ang tingin nila.

"Epal ka rin ano?" Nahampas ko pa si Jeya na siyang katabi ko dahil sobrang nakakatawa ang ang naging expression nilang dalawa.

"Basa pa!" Padabog na binalik ni Dey iyong notebook sa akin.

"Bwesit ka!" Inis na inis ang mukha nilang dalawa kaya mas lalo akong natawa.

"Tara na nga Jeya! Bili tayo ng pagkain." Tumayo na ito.

"Tayong dalawa lang! Epal kasi ang isa diyan!"

"Okay!" Nakangiti ko na lang sabi sakanila. Parehas akong nakatanggap ng pamatay nilang irap at sabay silang lumabas.

Napapailing na binalik ko ang tingin sa notebook ko.

"Sa bawat araw na sila ay aking nakakasama

Wala ng tatalo pa

Sino sa inyo ang makakapagsabi?

Natigil ang aking pagsulat nang biglang dumating ang dalawa at umupo sa tabi ko. Dahan-dahan kong tiniklop ang notebook para hindi na muli pang hatakin ni Dey at baka sabihin pa niya ay masyado akong madrama or what pag ito ay nabasa niya.

"Ang galing! Sumunod ka sa amin kanina, Mally!" Sarcastic na saad ni Jeya.

"Sorry na." Nagpuppy eyes ako sa harap nito kaya iniwas niya ang tingin sa akin.

Masyado daw kasi akong cute kapag ginagawa iyon. Hindi daw nila ako matiis kaya ayaw nila na ginagawa ko ang bagay na iyon. Edi huwag na! 

"Oo na! Huwag ka na magganyan pa at baka masapak kita!" Inirapan muna niya ako bago nilapag ang pagkain sa harapan ko.

Yes! Libre!

"Hindi iyan libre kaya huwag kang ngumiti ng malawak diyan!" Ouch! Ang bilis ng karma.

Akala ko nakalibre na ako sakanilang dalawa. Ayon pala may bayad pa!

"Nagtitipid ako kaya sa inyo na iyan. Hindi ko na kakainin. Hindi ako gutom, bahala kayo diyan!" Binalik ko ang pagkain sakanila at tumingin sa kaliwang bahagi dahil nasa kanan ko ang isa at nasa harapan naman si Dey. 

"Ayon! Tampo agad ang bata!" Narinig ko ang malulutong nilang tawa kaya lalo akong napasimangot.

"Ang dadamot niyo!" Sabi ko sakanila kahit nakatalikod pa ako sa mga ito.

Tanging tawa lang ang narinig ko sakanilang dalawa hangga't sa may kumalabit sa akin.

"Here na baby girl. Huwag ka na magtampo kay ate." Nilingon ko sila at tinignan ang itsura nilang dalawa.

Si Dey na nagsisimula ng kumain pero may nakakalokong ngiti na nakapaskil sa labi nito at si Jeya na pinipigilan ang tawa. Pag ito nautot! Ewan ko na lang. 

"Huwag nga ako! Anong ate?! Mas matanda ako sa inyo!" Singhal ko sakanilang dalawa. Tumawa naman silang dalawa na parang may narinig na biro mula sa akin. 

"Bakit kayo tumatawa? Totoo naman ah?" Sinimulan ko ng buksan ang oreo na binili nila at kinain.

"Huwag mo kaming pinagloloko girl! 16 ka pa lang. Aral ka muna ulit ng math baka nakalimutan mo na kung paano magbilang!"

"Ah basta! Ate niyo ako!" Pamimilit ko sakanilang dalawa. Nagkibit-balikat na lang ang mga ito at kumain na lang.

17 na sila pero ako 16 pa lang. Aba?! Kasalanan ko ba na late ang birthday ko? Naiirita kong sinubo ang pagkain ko.

—🌸