Kabanata 5

Kabanata 5: Kamatayan

KYRA'S POINT OF VIEW

Habang kumakain kami sa kusina ay dumating si Tabitha. Tanaw ko ito mula sa pwesto ko. May bitbit itong mga kahon. Inilapag niya iyon sa mesang nasa tabi ng mahabang sofa at humarap sa mga estudyanteng nakatambay don.

"This is your uniform. Five pieces each ang nakalagay sa bawat box. Nakaipit narin diyan ang schedule ninyo for tomorrow. And I also have a good news." saglit itong nag pause at tiningnan ang lahat ng estudyanteng nakatunghay sa kaniya. Kasama na kaming iilan na na kumakain sa kusina. "Dahil konti lang ang nakapasa ngayong taon ay napagpasyahan ng management na gawing isang section nalang kayo. So good luck. Your classes start tomorrow." Hindi na tumanggap pa ng mga tanong si Tabitha. As soon as she delivered her speech ay agad narin siyang lumabas ng bahay.

Habang ang iniwanan niyang mga box ay pinag-pyestahan naman ng mga estudyanteng nandoon sa sala.

Hindi ako nag-alalang maubusan, dahil sigurado naman akong may nakalaan para sa isa't isa. Kaya tinapos ko na muna ang ginagawa kong pagkain. Nang lumapit na sa pinaglalagyan ng mga box ay tatlong box nalang ang nadoon. Tiningnan ko ang pangalang nakalagay sa bawat box at isa-isang binasa.

Shanna Borromeo

Quartz Villacorta? Mukhang ito iyong lalaking natutulog kanina ah.

Nasaan na kaya ito?

Pagkatapos kasi ng pagpapakilala kanina ay hindi ko na ito muli pang nakita.

"Shit! Bakit walang signal?" Napatingin ako kay Sanzo ng magsalita ito. Inis na inis itong pilit itinataas ang hawak na phone.

Teka ano daw? Walang signal?

Sa sinabi niya ay minabuti kong tingnan din ang phone ko para malaman kung pareho kaming walang signal. At totoo nga. Wala ngang signal. Kahit isang bar ay walang naka-rehistro sa cellphone ko.

Bakit biglang nawala ang signal? Hindi naman sobrang liblib nitong school. At saka kanina, bago ako pumasok ay natawagan ko pa ang ate ko. I even posted a photo on my instagram.

"Nagsisimula na." Bulong ni Paloma kay Nilo. Naka-pwesto ang mga ito sa sulok ng sala.

Nang mag ngitian ang dalawa ay medyo nahintakutan ako. Lalo na sa paraan ng pagtititigan nila. Parang may alam silang hindi sinasabi sa amin. Ano kaya iyon? Ano ba iyong nagsisimula na?

Lalapit sana ako sa kanila para magtanong pero pinigil ako ni Lara.

"Kyra."

"Huh?"

"Bonding daw tayong mga girls. Nandoon na sila sa isang kwarto. Halika na." aya niya sa akin.

Nginitian ko lang siya. Agad kong dinampot ang box na may pangalan ko at agad na sumunod sa kaniya. Tsaka ko nalang siguro iisipin iyong mga pinagsasabi nila Paloma at Nilo. Medyo nakakapagod din kasing mag-isip eh. My brain is a little bit tired, at sa tingin ko ay maganda ngang idea ang pakikipag bonding sa mga girls.

Pagdating sa kwarto ay naabutan naming nagku-kwentuhan ang mga naroon. Nakapaikot silang nakaupo sa lapag habang nabubulungan. Nang makita nila ang pagdating namin ay  saglit silang tumigil.

"Oy, hi girls. Tamang tama lang ang dating ninyo. Halina kayo dito at maupo na kayo." Aya sa amin ni Beatriz. Kahit katatapos lang maghapunan ay may nginangatngat na naman ito.

Pagkaupo namin ni Lara ay um-abante ng bahagya si Lorraine at bumulong ng mahina. "Hey, alam 'nyo ba ang usap-usapan tungkol sa Wisconsin University?" anito.

Lahat kami ay napatitig sa kaniya. Bawat isa ay tila sabik na naghihintay sa susunod niyang sasabihin. Lahat ay tumahimik.

"They say, na once na pasukin mo ang school na ito ay isa lang ang pwede mong daanan palabas? At ito ay ang kamatayan."

Once your in, death is the only way out?

Iyon na iyon ang sinabi ni Lady Vhern kanina ah. Balak ba iyong gamitin ngayon ni Lorraine para takutin kami?

"The hell Lorraine, ano namang trip 'to ha?" agad na puna sa kaniya ni Alexandria.

"Teka. Akala ko ba real talk tayo ngayon. So, ano ba iyang sinasabi mo huh?" Medyo asar na sita naman ni Jessie.

"Excuse me, pero totoo ang sinasabi ko no. Nabasa ko iyon sa isang mapagkakatiwalaang site." Kumpiyansang sagot naman ni Lorraine.

"Ano site Lorraine? Iyong Lady Vhern site ba?" tanong naman ni Scarlet sabay tawa.

"Oh baka naman porn site?" pang-aasar naman ni Jessie.

"Excuse me hindi ko na kailangang mag open ng porn site no. Ang healthy kaya ng sex life ko. Haha." Ani Lorraine. Inirapan nito si Jessie at muling humarap sa aming lahat. "Galing iyon sa isang napaka reliable na website. You know, my dad used to work on a government agency kaya marami siyang alam na hindi alam ng mga ordinaryong people like all of you."

"Totoo?" Paniniguro ni Jessie. Halatang unti-unti na itong naniniwala sa sinasabi ni Lorraine.

"Yeah. Ang creepy di'ba? Once your in, DEATH is the only way out. Totoo talaga iyon. Hindi lang iyon biro ni Lady Vhern." Ulit ni Lorraine.

"Once your in, death is the only way out? So, ano namang ibig sabihin no'n?" Curious na tanong ko.

Sabay sabay silang pumaling ng tingin sa akin at tila napaisip rin. Habang si Lorraine naman ay ngumisi ng nakakaloko.

"It means, you can only leave Wisconsin University if your dead. Or worst. IF YOU KILL SOMEBODY."

Napalunok ako ng marinig ang naging sagot niya. Pakiramdam ko ay hindi tumatakbo ng maayos ang dugo ko sa katawan. Bigla ring kumalabog at nagwala ang dibdib ko.

Nandito ako para mag-aral no, hindi para mamatay!

Kaya kung sakali—

ANO NANG GAGAWIN KO?