Kabanata 6

Kabanata 6: Unang Biktima

BEATRIZ'S POINT OF VIEW

Ngayong gabi ay napagpasyahan naming mga girls na matulog ng sama sama sa iisang kwarto. Nagkatakutan kasi kami ng ma-open ni Lorraine ang tungkol sa mga nabasa niya sa isang site.

Meron pa siyang pinakitang papel sa amin. Ang mga nakasulat daw doon ay yung mismong nabasa niya. Pina-print niya daw iyon, to make an evidence.

Hindi ko na iyon pinag-aksayahan pa ng oras dahil alam ko namang nananakot lang siya. Pero on the other side ay parang na curious tuloy ako sa pinagsasabi niya.

Napatigil ako sa ginagawa kong pag-iisip at pagto-toothbrush ng bigla akong pasukin sa CR ni Paloma. Sa pagkabigla ay medyo tumambol ang dibdib ko pero hindi ko iyon pinahalata. Ayoko kasing may mahanap silang pang asar sa akin eh. Baka tuksuhin nila akong duwag. Which I'm not. I'm here because I'm a strong woman. Ipapakita ko sa lahat ng kamag anak kong nang mamaliit sa akin, na kaya kong makapagtapos ng pag-aaral at makahanap ng magandang trabaho kahit wala ang tulong nila. Iyon ang eksaktong in-offer ng WU. Kaya nga ako nandito e.

"Oy, pasabay sa'yo ah. Ihing-ihi na ako e." ani Paloma.

Hindi na ako humarap sa kaniya, tiningnan ko lang siya mula sa salaming nasa harap ko.

"Hindi ba may CR naman sa taas? Bakit bumaba ka pa dito?" Takang tanong ko.

Nakita ko kasi kaninang nasa taas na siya, kaya nakapagtatakang bumaba pa talaga siya ulit para lang mag banyo, eh may banyo naman sa taas.

"Ah, naunahan kasi ako ni Lorraine doon eh. Nakakainis iyong babaeng iyon, nakipagkarera pa sa akin. Parang takot na takot na mauna ako sa kaniya. Akala mo may itinatago sa banyo e." halatang inis na sagot niya.

Pagkatapos kong hugasan ang ginamit kong toothbrush ay lalabas na sana ako ng banyo pero pinigil ako ni Paloma.

"Hoy, sabay na tayong umakyat. Intayin mo ako."

"Bakit?" Napakunot ang noo ko.

"Ah, natatakot kasi ako eh." sinimulan ng tumayo ni Paloma sa tronong ginamit niya. Dumiretso siya sa maliit na lababong pinanggalingan ko at nahugas ng kamay. "Ewan ko ba. Ito kasing si Lorraine eh, kung ano-anung pinagsasabi."

"Malay mo, iyon nga iyong gustong mangyari ng babaeng iyon di'ba? Ang takutin tayong lahat para hindi tayo makapag aral ng maayos. Psh. For all I know gawa gawa niya lang iyong kwento na iyon."

Nang matapos na siyang maghugas ng kamay ay humarap na siya sa akin. "Pero, paano kung totoo nga?"

Paano kung totoo nga?

"Paano mo naman nasasabi iyan ha? Naniniwala ka ba sa babaeng iyon?" Medyo inis kong tanong. Hindi kasi siya nakakatulong sa ginagawa kong pagpapatapang sa sarili ko eh.

"Iyong kuya ko kasi. Uhm— hindi kami galing sa mayamang pamilya. Kaya si kuya ay maraming napapasukang kalokohan. Kasama na doon iyong mga gang na sinasalihan niya. And one time ay may nabanggit din siya tungkol sa school na ito. Syempre galing ang impormasyon na iyon sa mga gangters na kasama niya, kaya hindi ko siya pinaniwalaan."

"Anong kwento?"

"Ang sabi niya, marami na daw ang pumasok sa school na ito na hindi nakalabas."

"Kung alam mo na pala ang tungkol sa school na ito, eh bakit nandito ka ngayon?"

Pagkasabi ko noon ay ngumisi ng sobrang laki si Paloma. Napaatras ako. Pakiramdam ko ay bumagal ang tibok ng puso ko. Humakbang siya palapit sa akin. Hindi parin nawawala sa mukha niya ang pagkakangisi niya. Pinagpapawisan na ako ng malamig. Hindi ako makakilos sa kinatatayuan ko.

A-ano bang gagawin niya?

Nang eksaktong makalapit na sa akin si Paloma ay humagalpak ito ng tawa. Pinaghahampas niya ako sa balikat habang napapapadyak pa ng paa.

"HAHAHA. Nakita mo sana ang mukha mo." Sabi niya habang wala paring tigil sa kakatawa.

Sa sobrang inis ko ay iniwan ko siya. Tinalikuran ko agad siya at nagmamdaling umakyat sa second floor ng bahay.

Buwesit na babaeng iyon! Ughhhhh. Nakakainis!

---

5:04 am

"AHHHHHHHHH...."

Napabalikwas ako ng bangon ng marinig ko ang malakas na sigaw na iyon. Maging ang mga kasama ko sa kwarto ay pupungas pungas din ng mata.

Ano bang nangyayari?

"Narinig 'nyo ba iyon?" Tanong ni Kyra? Maingat itong tumayo para hindi matapakan ang katabi niyang si Lara na nag-iinat pa.

"Sa tingin ko narinig nating lahat iyon." Sagot ko naman. Tumayo narin ako.

Hindi naman kami nagpatay ng ilaw kagabi kaya maliwanag ang kwartong kinaroroonan namin.

"Ano bang nangyari? Bakit may sumigaw?" Tanong naman ni Jessie. Tumayo narin ito.

"Mabuti pa tingnan natin." Aya ni Kyra.

Inintay naming makatayo ang lahat bago kami nakahilerang lumabas ng kwartong iyon. Nasa unahan namin si Kyra at Alexandria. Pagkabukas nila ng pinto ay maliliit na ilaw na nakasabit sa kisame ang tumanglaw sa amin. Agad nakatawag ng pansin ng lahat ang bukas na pinto at ilaw ng banyo, na nasa pinaka dulong bahagi ng hallway.

"Narinig ninyo rin iyon no?" Habang papalapit kami sa banyo ay bumukas ang kwartong tinulugan ni Clarrise. Hindi ito sumama sa amin, dahil hindi naman daw ito natatakot na mag-isa.

Maliban kay Clarisse ay nagsilabasan narin ang mga lalaki at ibang babae na hindi sumama sa aming matulog kagabi.

Dahan dahan ang ginawang paghakbang ng lahat. Para kaming nasa horror movie ng oras na iyon. May ilang nagtutulakan, may naghahawakan ng kamay at nag nagyayakapan.

Pagdating namin sa banyo ay naabutan naming nakasalampak sa may pintuan si Paloma. Namumutla ang mukha nito. Bakas ang matinding takot sa kaniya. Nanlalaki ang mata niya habang nakaturo sa kung ano mang nasa loob.

Lihim akong napangisi.

Psh! Akala mo kasi, kung sinong matapang, eh duwag din naman pala.

Tsk. Ano ba kasi ang nasa loob ng banyo?

Nang silipin ko ang tinitingnan ni Paloma ay napatakip ako ng bibig. Naramdaman kong nalambot ang tuhod ko kaya napasandal ako sa katabi kong si Scarlet.

"Puntahan ninyo si Lady Vhern sa opisina niya dali!" Utos ni Clarrise.

Mukhang sa aming lahat ay ito ang mabilis mag-isip at matapang dahil hindi man lang ito naging apektado sa mga nakita niya.

Well, ano ba naman kasi ang makakita ka ng isang malamig na bangkay na naliligo sa sarili niyang dugo hindi ba? Wala lang naman iyon. No big deal.

Yes, we saw a dead body. The dead body of Lorraine. Nakasalampak ang katawan niya sa sahig at naglalawa sa sarili niyang dugo. May malaking hiwa siya sa leeg. Mukhang doon nanggaling ang dugong nasa lapag.

Bangkay? Dugo? SHIT! May killer ba kaming kasama sa bahay na ito?